Како да ги задоволиш жените (виц)

Неколку жени заминале на одмор и влегле во хотел на чија врата пишувало: „Само за жени“.

На рецепцијата ги пречекал симпатичен млад човек и им објаснил:

– Хотелот има пет ката. Одете од кат на кат и изберете го оној што најмногу ви одговара. Но, само да знаете – штом ќе се качите на повисок кат, не можете да се вратите на некој од пониските.

Жените тргнале по скалите и на првиот кат прочитале:

„Овде ќе ве услужуваат ниски и слаби мажи.“

– Ха! – рекле и продолжиле понатаму.

На вториот кат пишувало:

„Овде ќе ве услужуваат ниски и дебели мажи.“

Заклучиле дека има и подобро, па продолжиле нагоре.

На третиот кат пишувало:

„Овде ќе ве услужуваат високи и слаби мажи.“

Уште подобро, но сепак решиле да видат што ги чека на четвртиот:

„Овде ќе ве услужуваат високи и дебели мажи.“

Жените веќе биле возбудени и почнале да погодуваат каква ли убавина ги чека на последниот кат.

Се качиле на петтиот и таму нашле натпис:

„На овој кат воопшто нема мажи. Овој кат постои само како доказ дека жената е невозможно да се задоволи!“