Ако запознаете некој на апликација за запознавање и се мислите дали да излезете на прв состанок, еве ги 3 „црвени знамиња“ кои треба да ве убедат да ја откажете средбата

Исчекувањето на првиот состанок би требало да биде возбудливо. Но, понекогаш, разговорот може да има непријатен тек, што ќе ве натера да се запрашате дали воопшто вреди да одите да се сретнете.

Според тренерот за запознавање Ерика Етин, не треба често да го прекинувате првиот состанок. Таа вели дека ретко се случува да советува некого да откаже.

„Се обидувам да ги охрабрам да запомнат дека само запознаваат нова личност“, изјави Етин за „Инсајдер“.

Таа вели дека има заштитнички став и за туѓото време и смета дека е грубо да се откаже во последен момент. „Знам дека луѓето се ранливи деновиве. Но, само затоа што другите луѓе се ранливи, тоа не значи дека и вие треба да бидете“, вели Етин.
Во деновите пред првиот состанок, Етин препорачува праќање пораки главно од логистички причини. Секако и ако малку повеќе разговарате, веројатно ќе научите малку повеќе за нив.

Сепак Етин мисли дека вреди да се откаже првиот состанок поради неколку причини.

Сфаќате дека вашите вредности не се усогласуваат

Општо земено, Етин им кажува на своите клиенти да го следат нејзиниот етос „НАТО“ или „да не се врзуваат за исходот“. Според Етин, ова значи да се согласите на првите состаноци без да имате на ум листа за проверка за идеален партнер или очекување дека веднаш ќе сфатите дека тој е тој.

Но, сепак е важно да ги имате на ум вашите вредности пред првиот состанок, рече Етин. Според Етин, нештата како што се сакањето деца и практикувањето одредена религија како семејство, не се преговарачки поврзани со животниот стил што сигнализираат недостаток на компатибилност.
Овие теми вообичаено не се појавуваат за време на првиот состанок, но постои можност да можат да одредат за каква личност станува збор.

Бидејќи е малку веројатно дека некој ќе сака повторно да преговара за нивните лични вредности, вреди да ги признаете тие разлики и да го откажете вашиот прв состанок, рече Етин.

Вашиот „дејт“ прекумерно споделува или станува пресексуален

Ако потенцијалниот зборува за нивните претходни сексуални искуства или нивните сексуални желби пред првиот состанок, тоа е несоодветно и вреди да се откаже, според Етин.
Таа го наведува како пример, примерот на една клиентка која  потенцијалниот маж го запознала на апликацијата „Hinge“. Во деновите пред нивниот прв состанок, таа прашала зошто неговиот претходен брак завршил; а тој рекол дека нивниот брак завршил затоа што тој и неговата поранешна сопруга биле сексуално некомпатибилни; и повеќе пати ѝ кажал на жената колку е привлечна.

„Комбинацијата од тие прекумерни споделувања беше доволна за да и стави црвено знаме во умот и таа реши да откаже“, рече Етин.

Вашиот „потенцијален“ зборува лошо за бившиот партнер

Конечно, Етин рече дека предлага да се откаже првиот состанок ако личнота ги сподели нивните негативни мисли и мислења за поранешниот партнер претходно.

„Ако некој зборува лошо за бившиот, особено пред првиот состанок, тоа би можело да значи дека не е до бившиот и дека е огорчен на некој начин или дека не презема лична одговорност за врската“, рече Етин.