Америка од поинаква перспектива – Ѕирнете во американскиот рурален живот!

Далеку од светлата на Њујорк, казината на Лас Вегас, мостот во Сан Франциско и сите други светски метрополи кои ни се синоними за зборот „Америка“, време е да ја погледнеме од друга перспектива.

Холи Линтон е фотографка која е родена во Болдер, Колорадо и пораснала и таму и во Њујорк. Нејзината работа во изминатите десет години се фокусира на разбирање на руралните заедници во САД преку нивната земјоделска историја, модерна индустрија и ритуали. Нејзините фотографии ја нагласуваат важноста од директен контакт со природниот свет. Во новиот проект, таа го истражува пресекот на верата, историјата и животната средина во Соединетите држави. Овој проект истражува како верата се манифестира во современото општество.