Археолозите беа во шок откако ја отворија „загубената“ пирамида на принцезата Хатшепсут – дефинитивно не го најдоа тоа што го бараа

По возбудливото откритие, египтолозите останале во целосен шок откако за првпат отвориле заборавена пирамида.

Лоцирана во Дахшур, оваа древна египетска кралска некропола содржи неколку пирамиди, а археолозите биле изненадени кога откриле остатоци од пирамида што со векови била скриена под песоците.

Британскиот египтолог и писател, д-р Крис Наунтон, ја истражувал локацијата по ова „возбудливо“ откритие, опишувајќи го местото како „месечев пејзаж“. Работници во каменолом случајно наишле на финo обликувани варовнички блокови и веднаш ја известиле египетската влада, која започнала со ископувања.

Документарниот филм Мистеријата на загубената пирамида, емитуван на „Smithsonian Channel“, го документира процесот на истражување. Во него се прикажани скали што водат длабоко под пирамидата, до просторија која сè уште била запечатена. Египетското Министерство за антиквитети дало дозвола за подигнување на камениот капак за да се открие што се крие внатре.

Но, внатрешноста била во неред, што ги разочарало археолозите, кои очекувале богатства. Д-р Наунтон се запрашал: „Кој бил погребан тука? И што ако запечатена просторија веќе е ограбена?“ Истражувањата покажале дека остатоците ѝ припаѓаат на непозната египетска принцеза од 13-та династија – Хатшепсут.

Наодите укажуваат дека гробницата била ограбена пред да биде затворена, што значи дека дури и оние што ја запечатиле не можеле да проверат дали погребот бил завршен како што треба. Благодарение на најновата технологија, оштетените хиероглифи на нејзиниот канопски ковчег го откриле нејзиното име за првпат, што го прави ова откритие навистина револуционерно.