Артан Груби уапсен на граничниот премин Блаце: Полицијата го лиши од слобода по сомнеж за милионски криминал и корупција

Утрово во 06:10 часот, Министерството за внатрешни работи соопшти дека поранешниот прв вицепремиер Артан Груби бил уапсен на граничниот премин Блаце. Тој веднаш бил лишен од слобода и приведен за понатамошно постапување.

Артан Груби уапсен на граничниот премин Блаце: Полицијата го лиши од слобода по сомнеж за милионски криминал и корупција

Груби обвинет за проневера во Државната лотарија од 8 милиони евра преку незаконска набавка на ВЛТ апарати

Артан Груби, поранешен прв вицепремиер од владата на СДСМ и ДУИ, заедно со Перпарим Бајрами се осомничени дека сториле криминал од 8 милиони евра при нарачка на ВЛТ апарати во Државната лотарија. Како раководител на владината седница, Груби го одобрил барањето, иако знаел дека набавката е незаконска и Лотарија нема право самостојно да организира електронски игри на среќа.

Ревизијата открила нерегуларна документација од речиси 3 милиони евра

Според ревизијата, Бајрами и Груби оставиле над 180 милиони денари (речиси 3 милиони евра) спорна, невалидна или неуредна документација во Лотарија. Ова не е единствениот криминал кој им се става на товар.

Државно земјиште продадено по 70 денари за м2 на фирма на сопругата на Димитар Ковачевски со одлука под водство на Груби

Со Одлука на Влада со која раководел Артан Груби, државно земјиште било отуѓено на фирмата на сопругата на Димитар Ковачевски за изградба на фотоволтаици по ниска цена од 70 денари за квадратен метар.

Груби на Црна листа на САД поради значителна корупција и примање мито за поткопување на судски процеси

Артан Груби од 9 декември 2024 е ставен на Црна листа на САД поради вмешаност во значителна корупција, вклучително и примање мито за поткопување на судските процеси.

Смеењето е најслатко кога е на своја сметка. Дознајте какви несекојдневни работи се случуваат во секојдневниот живот на Македонците на каналот Македонски несекојдневни ситуации. Испратете своја смешна слика или видео овде.