Австралијанци се збунети од чудниот вид на гасеница што се појавил во дворот на една жена од Синдеј: „Што е ова? Ова е најслаткото нешто што сум го видела“

Сопственичка на куќа останала збунета од бизарното суштество кое се појави во нејзиниот двор и го нарече „најслаткото нешто досега“, откако сликите беа објавени на социјалните мрежи.

Жената го забележала кафеавиот инсект на жива ограда во градината на нејзиниот дом во Сиднеј. Чудното суштество, налик ситна гасеница, имало розово-црни очи како лик од цртан филм. Сопственичката на куќата направила неколку фотографии од инсектот и го поставил на „Фејсбук“ во обид да најде одговори.

„Дали некој знае што е ова чудно мало суштество?“ – праша жената.
Неколку корисници коментираа на објавата додека се обидуваа да погодат какво би можело да биде суштеството.

„Некаков вид гасеница“, рече на шега еден корисник.

Други мислеа дека станува збор за лажен предмет.

„Сериозно помислив дека сте ставиле необични очи на чорап со чудна форма“, напишал друг корисник.

Ендрју Мичел, ентомолог во Австралискиот музеј, рече дека суштеството е ларвовиден облик на бледо кафеавa јастреб-гасеница и се нарекува со ботаничко име „Theretra latreillii“.

„Најчесто се наоѓа на винова лоза, вклучително и во виновата лоза, и тие се доста чести, особено во овој период од годината“, изјави тој за „Yahoo“.
„Овој вид има доста широка распространетос, од регионот Кимберли (во Западна Австралија) на исток по крајбрежниот појас сè до Кејп Јорк (на далечниот север Квинсленд) и потоа на југ до Сиднеј“.

Телото на инсектот има посебна кафена боја што му овозможува на суштеството да се маскира од предатори. Очите со чудна форма и користат на бубачката за да се заштити од плен.