Австралиско семејство коешто се борело да сврзе „крај со крај“ по семејна несреќа, освоило лотарија вредна 4 милиони долари: „Беше последното ливче што го уплатив“

На австралиско семејство кое доживеало тешки времиња поради болест, им се променил животот по освојувањето на лотарија од 4 милиони долари.

Нарел Бејкер работела на три работни места и долги часови откако нејзиниот сопруг морал да ја напушти работата поради рак на простата, и разбирливо била во шок кога ѝ кажале дека ја добила лотаријата на „Mater Home“.

Наградниот пакет е во вредност од 4.249.491 долари и вклучува куќа на брегот на Голд Коуст.

„Бев во шок и почнав да плачам“.

На таткото на три деца Дин Бејкер му бил дијагностициран рак на простата во 2022 година и беше принуден да ја напушти работата во јавна служба, ставајќи го семејството во значителен финансиски стрес. Во екот на нивните финансиски проблеми, г-дин Бејкер и предложил на неговата сопруга да престане да купува лотарија за да помогне да се намали притисокот врз семејниот буџет.

Г-ѓа Бејкер се согласила, но решила да го купи последниот билет. Таа одлука им ги превртела животите наопаку, со тоа што Бејкерс сега можат да се пензионираат осум години пред планираното и да го преселат целото семејство во нивниот нов дом од соништата.