„Бесконечно царство“ ви ја претставува „Навремена приказна“ која пренесува важна порака на децата и возрасните

26-годишната Николина Атанасова од Виница веќе ни го претстави својот проект „Бесконечно царство“ со кој внесе сосема нов правец во едукативната програма за деца и за кој повеќе можете да прочитате тука. Проектот на младата и амбицозна Николина продолжува со новата приказна со наслов „Навремена приказна“.

Аудио приказната е специјално прилагодена за деца и од најмалата возраст и е реализирана благодарение на група посветени луѓе. Автор на текстот во приказната е Владимир Лукаш, а додека актерите се: Столе Мицов, Игор Дамјанов, Александар Стоименовски, Ивана Атанасова, Ивана Атанасова, Емилија Атанасова, Маријана Николова, Иво Димитров и Кристијан Трајчов. Монтажата е направена од страна на Михаил Петровски, а Д-р Кирил Барбареев стои зад најавата и одјавата.

„Пресреќна сум за огромната подршка која ја добив за проектот. Доказ за тоа е учеството на 4ца професионални актери и 5 аматери. Понудата на приказни од писатели исто не е за потценување. Поканата за сите оние кои сакаат да учествуваат е сѐ уште отворена. Одиме понатаму, до нови бесконечни победи!“, вели авторката на проектот, Николина Атанасова.