„Бившиот ми направи ужасна тетоважа на целото лице против моја волја и не можам да се вработам – но поради еден љубезен странец конечно после 16 години ќе живеам нормално“

Тејлор Вајт имала само 21 година кога нејзиното лице било истетовирано со непристојни зборови против нејзина волја, што не ѝ оставило друга опција освен да ги прикрие грозните ознаки со темно, црно мастило.

Сега, повеќе од една деценија подоцна конечно ја отстранува тетоважата на лицето со помош на Кариди Аскенаси, инаку познат како TheDadBot .

„Се обидов да аплицирам за работа како застапник за менталното здравје. Но мојот изглед е поинаков што може да биде „тригер“ за некоја личност со такви проблеми“, изјави Вајт, која има биполарно растројство.

Кога била млада, таа истетовирала тенки линии од двете страни на нејзиното лице што ги поврзувале нејзините слепоочници. „Тоа беше „воена боја“ – рече таа. Тоа го направила за време на период на „манија“ додека работела во салон за тетоважи во обид да се докаже како уметник.

Во тоа време, Вајт се омажила за припадник на американската војска, кој подоцна се развел од неа поради жена што ја запознал во Ирак, оставајќи ја Вајт без покрив над главата и спиејќи на каучот во салонот за тетовирање.

Тогаш го запознала своето следно момче, за кое верувала дека е „одлично момче“ – но испаднало дека ја малтретирал и физички и сексуално.

Ноќта на нејзиниот 21-ви роденден, тој ја извел во локалниот бар за да се опие за прв пат, но без да знае таа, тој и неговите другари наводно имале повеќе злобни планови на ум. Човекот, чиј идентитет таа го сокри, ја вратил Вајт во хотелска соба – и тоа е се што таа се сеќава до следното утро.

Кога се разбудила во празната хотелска соба, физичките симптоми ја натерале да поверува дека била нападната против нејзина волја, а лицето и било во болка. Кога се погледнала во огледало, видела „навистина ужасни работи“ трајно втиснати во нејзиното лице.

Откако се вратила во салонот за тетоважи на работа неколку недели подоцна нејзиниот шеф бил изненаден од мастилото што ѕиркало од тешкиот коректор.

„Тој рече: „Не можеш да живееш вака“, рече таа, сеќавајќи се како тој ѝ понудил да го „зацрни“ за да може „да живее нормален живот“.

И покрај тоа што ја прифатила неговата понуда во 2008 година, сепак нејзиниот живот повеќе не бил нормален. Постојано била одбивана за работа.

Вајт почна да го споделува своето животно патување на ТикТок, каде што сега може да се пофали со 22.000 следбеници, во обид да ја дестигматизира менталната болест.

„Посакувам кога бев помлада, некој да ми речеше дека е во ред да не сум во ред, а ако ти треба помош, побарај ја“, рече Вајт, која штотуку дипломаше и работи на докторат по психологија.

Но, за да им помогне на другите, на Вајт ѝ била потребна помош.

Кариди Аскенаси наишол на еден од преносите во живо на „ТикТок“ на Вајт еден ден и, принуден од нејзината приказна, ѝ понудил да ги подмири трошоците за ласерско отстранување на тетоважи.

„Неволјата со која се соочуваше очигледно имаше личен ефект врз неа. Тоа ја спречуваше да го покаже најдоброто од себе“, рече Аскенаси.

Од Тексас, Аскенаси надалеку барал клиника која ќе го преземе неверојатниот подвиг да го отстрани повеќеслојното мастило од лицето на Вајт, несигурен дали некој може успешно да го отстрани мастилото или дали може да си ја дозволи скапата процедура во целост.

Конечно, „Removery“, компанија за ласерско отстранување на тетоважи, се согласи да ја преземе задачата – и да ја направи без трошоци.

Вообичаено, ласерското отстранување на тетоважи чини илјадници долари и може да потрае месеци или години за целосно да се заврши. Со оглед на темното мастило на Вајт, Кармен ВандерХајден Броди, потпретседател за клинички операции во „Removery“, проценува дека може да бидат потребни „над две години“ за нејзиното мастило да исчезне.

За Вајт, таа конечно е подготвена да го напушти долготрајниот потсетник за нејзиното болно минато – толку многу што се „насмеа“ на првата сесија за отстранување минатиот месец, и покрај болката од ласерот.

„Не го отстранувам чисто од козметички причини“, рече таа. „Ова навистина отстранува дел од мене што повеќе не го претставувам или во кој живеам“.

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!