Бјанка Ценсори повторно зачекори по улиците со смел „аутфит“. Хм, можеби овој пат дури и нѝ се допаѓа?

Бјанка Ценсори покажа уште еден смел „аутфит“ на новите фотографии од манекенката со нејзиниот сопруг Канје Вест. На фотографиите се гледа како парот проверува различни простори во Западен Холивуд, Калифорнија, со цел некое од нив да биде новото студио на Канје.

Бјанка (29) носеше тесно бело боди со длабок отворен грб, покажувајќи ја нејзината фигура. Аутфитот го спои со проѕирни бели чорапи, бели потпетици и мала црна чанта, додека нејзината коса беше навлечена во елегантна пунџа.

Канје (46) се одлучил за целосно црни спортски панталони, дуксер, очила за сонце и патики „Најк“. Дуото изгледаше напнато и концентрирано додека влегуваа од едно во друго студио.