Богата жена сама финансирала серија за да глуми во неа и да го бакне главниот актер повеќе од 60 пати
Жонг Јуфеи, кинески актер во подем во кратки драми, неодамна излезе на социјалните мрежи за да зборува за кошмарот што го доживеал на снимањето на продукција која требало да биде неговиот голем пробив.
Дваесет и тригодишниот актер наводно постојано бил вознемируван на сетот од својата партнерка, која случајно била и единствениот инвеститор во проектот.
Содржина:
Двата услови за парите биле главна женска улога и последен збор за сценариото
Богатата жена, според извештаите, поставила две главни барања за да ја финансира кратката драмска серија од 50 епизоди. Таа морала да ја игра главната женска улога и да го има конечниот збор за сценариото.
Тоа и дало целосна слобода во продукцијата. Бидејќи во секој момент можела да го запре целиот проект, никој не се осмелувал да и се спротивстави, без разлика колку биле апсурдни нејзините одлуки.
„Сум гледала повеќе кратки драми отколку што вие некогаш сте снимиле“
Сценариото што таа го одобрила содржело повеќе од шеесет сцени со бакнување.
Режисерот и другите членови на филмската екипа повеќепати се обиделе да и објаснат дека невообичаено големиот број сцени со бакнежи може да го наруши ритамот на приказната и да ја извади публиката од случувањата.
Таа, наводно, не послушала никаков совет и рекла: „Сум гледала повеќе кратки драми отколку што вие некогаш сте снимиле“.
На првата романтична сцена Жонг Јуфеи вели дека бил држан за тилот
Жонг Јуфеи, кој бил избран за главната машка улога, рекол дека бил шокиран кога почувствувал дека партнерката го бакнува со француски бакнеж за време на првата од многуте романтични сцени.
Инстинктивно се обидел да се повлече, но таа наводно со едната рака го фатила за задниот дел од главата и го задржала таму додека насилно го бакнувала.
Младиот актер претходно имал само неколку споредни улоги во кратки драми и чувствувал дека оваа серија може да биде неговиот голем пробив. Затоа не се спротивставил, и покрај постојаното вознемирување. Тврди дека дополнително бил обесхрабрен да проговори од однесувањето на другите луѓе на сетот, кои избрале да го игнорираат она што се случувало пред нивни очи.
Платформата ги одбила епизодите како премногу експлицитни по монтажата
Филмскиот продуцент Менг Синг открил дека, поради невообичаено големиот број сцени со бакнување, серијата била одбиена од платформата на која требало да се емитува.
По завршувањето на снимањето и влегувањето во постпродукциска монтажа, платформата прегледала неколку епизоди и веднаш ги одбила, затоа што биле премногу експлицитни, со премногу сцени со бакнежи, што лесно можело да ги прекрши правилата.
Со оглед на комерцијалната катастрофа на драмската серија и негативните реакции на јавноста кон лошо напишаниот хаос, Менг Синг решил да излезе во јавност и да објасни дека тој и неговиот тим речиси немале никаков збор, и дека сите одлуки ги носела главната актерка и единствен инвеститор.
Откритијата станаа вирални на кинеските социјални мрежи и отворија жестока расправа за вознемирувањето на младите актери на сетовите, со обвинувања дека капиталот ги претвора филмските сетови во приватни ловишта, каде актерите се третираат како предмети со кои може да се располага по желба.
Коментирај анонимно