Богатство на таванот: Како една вазна ја изненади цела Велика Британија
Во 2010 година, Џин Џонсон и нејзиниот син Тони расчистувале куќа во лондонското предградие Пинер, која Џин ја наследила од својата сестра. Додека го средувале таванот, откриле прашлива, стара вазна. Им изгледала интересна, па решиле да ја однесат во локална аукциска куќа за проценка, без големи очекувања.
Вазна што вреди милиони
Вазната била проценета на речиси 2 милиони долари, но на аукцијата цената вртоглаво пораснала – за половина час достигнала неверојатни 69,5 милиони долари. Купувачот бил анонимен бизнисмен од Кина. Тоа ја направи најскапо продадена кинеска уметност на светско ниво до тој момент.
Шокантна проценка
Во аукциската куќа „Бејнбриџис“, вазната привлекла внимание. Иако не биле специјализирани за кинеска уметност, повикале експерт за проценка. Кога ја видел вазната, експертот веднаш препознал дека станува збор за царски порцелан од времето на кинеската династија Кинг, направен околу 1749 година. Тоа било ретко уметничко дело, наменето за самиот император Кјанлонг.
Скандал по аукцијата
Иако понудата беше прифатена, се појавил проблем – купувачот одбивал да плати провизија од 20% кон аукциската куќа. Поради тоа, зделката пропаднала. Вазната останала во сопственост на Џонсонови, а новиот обид за продажба завршил со цена од 25 милиони долари – овојпат платени целосно и навремено од друг анонимен купувач од Далечниот Исток.
Вазната доби близначка
Во 2018 година, на аукција во Хонг Конг се појавила речиси идентична вазна – нејзината близначка. Таа била во сопственост на јапонско семејство уште од 1924 година. И втората вазна се продала за 19 милиони долари, а многумина веруваат дека сега двете повторно се заедно – во нечија приватна колекција.
Коментирај анонимно