Божјо чудо: Илјадници христијани се собираат за да се молат над телото на калуѓерка која по четири години смрт не покажала знаци на распаѓање

Илјадници луѓе се собираат за да го видат телото на сестра Вилхелмина Ланкастер откако беше ексхумирана (извадена од нејзиниот гроб) во Мисури без никакви знаци на распаѓање и покрај тоа што била погребана во 2019 година.

Верниците брзаат во Мисури, Канзас Сити за да бидат сведоци на беспрекорното тело на Ланкастер, кој починала во мај 2019 година на 95-годишна возраст, бидејќи некои тоа го нарекуваат чудесен знак на светост.

Опатијата кој претходно не примал повеќе од 20 посетители дневно сега има околу 1.000 посетители на дневна основа. Толпата порасна до тој степен што полицијата додаде мобилен команден центар, а повеќе земјиште беше расчистено за паркирање автомобили.

Телото на Ланкастер беше ставено на јавно гледање до вчера, каде што на посетителите им беше дозволено да го допрат нејзиното тело и да се молат. Но од денес па натаму посетителите сè уште ќе можат да ја видат калуѓерката и да ја посетат локацијата, но повеќе нема да можат да го допираат нејзиното тело бидејќи ќе биде обвиткано во стакло. Стаклената обвивка на Ланкастер ќе биде поставена во близина на олтарот за да „го пречека растечкиот број на приврзаници“.

Фотографиите направени на местото на настанот се споделуваат на интернет, на кои се гледа како посетителите нежно ги допираат рацете на Ланкастер, кои заедно со нејзиното лице се покриени со восок. Лицето и рацете на калуѓерката потоа биле покриени со восочна маска откако била пронајдена недопрена.

На знакот покрај телото, кој е опкружен со цвеќиња, пишува: „Ве молиме бидете нежни кога го допирате телото на сестрата, особено нејзините стапала“.

Црковните службеници рекоа дека го истражуваат случајот на Ланкастер, бидејќи нераспадливоста може да биде знак на светост, иако тоа не е дефинитивно.

Црквата не го прогласи случајот за чудесен, но епископот „работи на воспоставување темелен процес за разбирање на природата на состојбата на посмртните останки на сестра Вилхелмина“, се вели во соопштението.

Телото на Ланкастер било погребано надвор од манастирот на бенедиктинците на Марија, кралицата на апостолите, и било ископано за да биде сместено во подобра гробница во капелата.

Во времето на смртта на Ланкастер, телото на калуѓерката не било балсамирано пред нејзиниот погреб и нејзиниот ковчег бил направен од едноставно дрво без надворешен слој. Работниците очекувале да откријат коски, но наместо тоа пронашле совршено недопрен труп.

Откако го видела недопреното тело на Ланкастер, игуманијата на манастирот, мајката Сесилија, ги опишала постапките што ги презеле калуѓерките.

„Не можете да гуглате: „Што правиш со нераспаднато тело?“, рече таа, „па почнавме со основните работи, само да ја чистиме со топла вода“

Епархијата Канзас Сити- Св. Џозеф не даде бројка за точниот број на посетители досега.