Бразилската влада забрани да се продаваат „iPhone“ телефони без полнач и го казни „Apple“ со 2,3 милиони евра

Бразилската влада му нареди на „Apple Inc“ да престане да продава „iPhone“ телефони без полнач за батерии во земјата, тврдејќи дека компанијата обезбедува нецелосен производ на потрошувачите.

„Apple“ во октомври 2020 година објави дека ќе престане да ги вклучува адаптерот и слушалките со своите уреди ширум светот, непосредно пред објавувањето на „iPhone 12“, како дел од својот план да ја заштити планетата со намалување на отпадот и емисиите на јаглерод.

Меѓутоа, бразилското Министерство за правда оспорува дека производот сега не е како што се рекламира. Го казни „Apple“ со 2,38 милиони евра и нареди откажување на продажбата на „iPhone 12“ и поновите модели. Одлуката, која беше објавена во Службениот весник на земјата, исто така и наложи на компанијата да ја прекине продажбата на кој било паметен телефон на „Apple“, без разлика на моделот или генерацијата, без придружба на полнач на батерии.

Од „Apple“ не одговорија веднаш на барањето за коментар. Но, сепак овој потег веќе претходно наиде на позитивни критики кај еколозите.

„Ова не само што може да помогне да се намали отпадот, туку и да се спречат влијанијата врз животната средина поврзани со екстракција на примарни суровини, производство и дистрибуција на производи“, изјави Тереза ​​Доменек од Институтот за одржливи ресурси на Универзитетскиот колеџ во Лондон.

Сепак, бразилските власти го отфрлија аргументот, укажувајќи дека нема докази за заштита на животната средина од продажбата на паметниот телефон без полнач.

Во април, бразилски судија му нареди на „Apple“ да му плати на клиент 1.081 долар бидејќи компанијата не вклучила полнач за батерии откако купил „iPhone“.

Во моментов, „iPhone“-ите ја користат сопствената технологија за напојување на „Apple Lightning“, додека уредите базирани на „Android“ користат „USB-C“ конектори.

Се смета дека „Apple“ има продадено 190 милиони „iPhone“-и ширум светот по овој потег. Вкупните добивки од отстранувањето на полначите и слушалките, плус намалените трошоци за испорака, би можеле да бидат високи до 6,5 милијарди долари, со дополнителни процени од 293 милиони евра од продажбата на додатоци.

Коментирај анонимно

Вашата адреса за е-пошта нема да биде објавена.