Бред Пит ја открива непознатата страна на неговото тело – тетоважи, симболи и приказните зад нив, во промотивниот спот за новиот филм

Бред Пит направи редок потег, позирајќи без кошула за промоцијата на неговиот нов филм F1, што излегува во кината на 27 јуни 2025 година. Освен што го покажа своето тело, актерот откри и голем број тетоважи со длабоко значење.

Пит почнал да се тетовира во времето кога бил со Анџелина Џоли, која исто така има бројни тетоважи. Некои од неговите симболи потсетуваат на нејзините, а има и неколку што ѝ се посветени, како буквата „А“ и нејзиниот роденден испишан на неговиот долен дел од торзото на кмерски јазик. На неговата рака стои натпис на француски што значи „Животот е апсурден“, а под него е тетовирано Invictus („непокорен“).

Еден од највпечатливите дизајни е скица од светски најстарата мумија, Еци, како и текст од Руми: „Постои поле, подалеку од сите поими за добро и зло. Ќе те чекам таму.“ На неговата рака се наоѓаат и иницијалите на шесте деца што ги има со Џоли, како и линии што таа му ги нацртала на грбот, подоцна овековечени во мастило.

Филмот F1, во кој Пит ја игра улогата на Сон Хејс, поранешен возач кој се враќа во светот на Формула 1, е снимен на вистински трки низ целиот свет. Проектот е режиран од Џозеф Косински, а продуцентски тим вклучува и самиот Пит, како и F1 ѕвездата Луис Хамилтон.

Филмот, поддржан од сите 10 F1 тимови и FIA, е купен од Apple за сума меѓу 130 и 140 милиони долари. Трејлерот, кој беше објавен во јули, ветува спектакуларно искуство со брзи трки, интензивни сцени и акција која ќе ги воодушеви фановите на мотоспортот.