„Чекаме да стапиме во брак за да се бакнеме – така си ветивме, иако претходно сме биле интимни со други луѓе“

Ребека Харфорд (31) и нејзиниот партнер Кирк Питер (32) планираат да се венчаат еден ден – но никогаш не споделиле страствен бакнеж меѓусебе и чекаат да го кажат судбоносното „да“ пред да ги допрат усните.

Кога христијанската двојка првпат почнала да се забавува, тие решиле да се предизвикаат и се согласиле да не бидат поинтимни од прегратка или брз бакнеж во образ. Тие, исто така, склучија договор никогаш да не спијат заедно.
Иако парот живее во различни држави, Питер се враќа дома секогаш кога поминуваат време заедно.
„Кога вашето момче ќе ви покаже колку ве сака, така што ќе оди дома секоја вечер наместо да спие – иако треба да вози 1,5 часа од Конектикат до Њујорк“, објави Харфорд на „Инстаграм“.

„Во свет во кој спиењето е нормално, а сексот е како ја тестирате врската пред да се обврзете – мојот дечко и јас го избравме спротивното“, објасни таа во својот опис.

И двајцата биле интимни во претходните врски, но сега било поинаку. И високите стандарди се чини дека функционираат за религиозното дуо. И покрај тоа што некому може да му изгледа екстремно да се чека до бракот за обичен бакнеж, сè поголем број возрасни лица во Америка остануваат девици или „ја ресетираат невиноста“.