Чичко Путерко: „Јадам по цела коцка путер дневно! Сега сум многу послаб од порано, дури и го јадам наместо чоколадо!“

Еден британски бодибилдер е благодарен на својата одлука да јаде по цело парче путер дневно, за да ја подобри „функцијата“ на своето тело и последователно да постигне ситост. А, путерот е само еден дел од агресивниот план за исхрана на 28-годишниот Џонатан Грифитс.

Човекот од Дорсет, Англија, јаде 1,5 килограм месо, пие половина литар сурово млеко, јаде сирење и четири јајца дневно.

„Мојот прв оброк во денот е сурутка, сурово млеко и сирење“, вели Грифитс, кој е тежок 130 килограми.

„Јас сум прилично тешко момче – ми треба многу храна“, објасни тој.

Грифитс, кој избегнува овошје и зеленчук, се придружува кон исхраната со месо од 2020 година- дури и кога експертите предупредија за тој режим.

Пред неколку години, кога бил млад бодибилдер на 14 години, Грифитс претрпел повреда на ‘рбетот предизвикана од рагби, што довело до спондилолистеза, состојба што се јавува кога коските во пршлените се лизгаат од нивното правилно позиционирање. Тој имал процедура за фузија на ‘рбетот во декември 2022 година и тврди дека неговите посебни навики во исхраната му помагаат да закрепне.

„Имам помалку болки и вкочанетост во грбот, а можам да се движам послободно и удобно… Моите перформанси се подобри“, сподели Грифитс.
„Секој што има какви било здравствени проблеми треба да ја започне оваа диета“, додаде тој.

Дополнително, тој вели дека специјалната диета исто така помага да се отстранат желбите за друга храна. Кога му се јаде благо, тој ќе грицне путер и желбата за благо ја снемува.

Грифитс вели дека често прави тестови на крвта за да се осигура дека нема проблеми од неговото невообичаено јадење.

„Не ми е здодевно од диетата“, вели тој. „Многу полесно одржувам многу послаба фигура“.