„Да ги забраниме скалите“ – Канје Вест не прочитал НИЕДНА книга, но има неколку БИСЕРИ за да го максимизираме постоењето!

Канје Вест (45) седна со извршниот директор и ко-основач на Ало Јога, Дени Харис за новиот подкаст на брендот за спортска облека, Mind Full, за време на кој читањето го спореди со јадењето „бриселско зелје“ и рече дека мисли дека луѓето на крајот ќе научат да комуницираат без да зборуваат како Јода од „Војна на ѕвездите“.

Раперот, исто така, тврди дека верува дека општеството треба повеќе да се грижи за постарите луѓе со тоа што ќе ги елиминира сите скали и наместо тоа ќе ги замени со рампи, бидејќи „сите ќе се свртиме кон старите луѓе еден ден“.

„До овој момент не го дизајниравме нашиот свет за да го максимизираме нашето постоење на оваа планета како вид“, објасни тој.

Тој исто така објасни дека сега „вежба и учи нов стил на јазик“, во кој не користи зборови. Тој рече дека луѓето треба да зборуваат повеќе како Јода од „Војна на ѕвездите“ и да користат само зборови што им се „апсолутно потребни“.

Модниот дизајнер дели четири деца со реалити ѕвездата Ким Кардашијан. Тој додаде дека мисли дека неговите внуци или правнуци еден ден ќе стигнат до „ниво на јазик“ каде што не мора воопшто да зборуваат, туку само да се гледаат еден со друг, како „прави џедаи“.

Канје, кој тврдеше дека поминувал повеќе време гледајќи „Војна на ѕвездите“ отколку што се фокусирал на училиште, исто така откри дека никогаш не прочитал книга.

„Всушност немам прочитано никаква книга“, изјави тој. „Читањето за мене е како да јадам бриселско зелје. А зборувањето е исто како да сте ги добиле пченкарните равиоли на Џорџо Балди“.

Иако не чита тој сепак отворил свое училиште во Калифорнија, Академијата „Донда“ кое е посветено на „да ги подготви учениците да станат следната генерација лидери, мислители и иноватори, обезбедувајќи им светско- класно образование кое вклучува ригорозна основна наставна програма и акцент на одржливост, креативност, критичко размислување и решавање проблеми“, се вели во нејзината веб-страница.

Се верува дека запишувањето во Донда чини 15.000 долари годишно, но во изјавата на нејзината веб-страница се тврди дека „секој е добредојден да аплицира без разлика на финансиската состојба“.

Сепак, истрагата во училиштето откри голем број абнормалности, вклучително и недостаток на детали во врска со наставната програма во споредба со слични училишта. Информациите од два извори, исто така, посочија дека семејствата на оние што се запишани во училиштето добиле мандат да потпишат договори за необјавување.

За време на подкастот, Канје ја бранеше својата академија „Донда“, инсистирајќи на тоа дека институтот помага да се зголеми довербата на „идните лидери“, каде што тој има своја верзија за програмата. Па ако ви се допаѓа вашето дете да учи според верзија на Кајне Вест 15.000 долари се ништо!

Во текот на 36-минутното интервју, Канје се нарекува себеси и како „црниот Бред Пит“ или „црниот Лео“ и додаде дека чувствува дека никогаш не греши, туку дека е пред своето време.

„Не дека не сум во право понекогаш, едноставно не сум во право сега“, рече тој.