Дали американскиот сон е мртов? Пар кој се преселил во Еквадор вели дека „стареат обратно“ откако избегале од токсичното „тркало на хрчак“ во САД

Американците се соочуваат со долгови, хипотеки и повеќе не можат да си дозволат основни работи за живот. Еден средовечен пар кој се откажа од својата куќа и работа за да се пресели во Еквадор дури рече дека меѓудругото и ослабеле 50 килограми.

И тие не се сами. Според најновите податоци на Стејт департментот, околу 9 милиони Американци живеат во моментов во странство, од 6,8 милиони во 2013 година.

Цените на куќите, инфлацијата и долговите натераа многумина да се преселат во земји со пониски трошоци за живот и повисок квалитет на живот.

Анкетата во октомври спроведена од NORC покажа дека само 36 отсто од Американците сè уште веруваат во „американскиот сон“ дека „ако работиш напорно, ќе одиш напред“.

И половина од Американците веруваат дека „економските и политичките системи во земјата се наредени против луѓето“ и дека животот на луѓето како нив сега е полош отколку пред 50 години.

Наместо тоа, стотици луѓе – особено постарите и помладите луѓе – избираат да се преселат во странство во потрага по „подобар живот“.

ЈП Стоунстрит и Амелија Басиста го напуштија Колорадо за да се преселат во Еквадор во 2017 година и сега водат бизнис помагајќи им на другите луѓе да се преселат да живеат во странство. Тие изјавија дека единственото нешто за кое жалат е што не си отишле порано.

И двајцата го живееја „американскиот сон“ пред да се преселат: „Ја имавме куќата и двата автомобили и хипотеката“. – вели мажот.

„Амелија беше на пат четири дена во неделата за нејзината регионална продажба, додека јас работев од дома како дизајнер на веб-страници, оставајќи ни многу малку време да се видиме со пријателите или да поминеме време заедно“.

Амелија рече: „Беше стресно, исцрпувачки и се чинеше дека целиот мој живот е за мојата работа – и не беше како што сакав да го живеам животот, но не знаев што да правам. Но тоа е некако, американскиот начин на живот, да бидеш достапен 24/7“.

Тие заработувале околу 8.000 долари месечно, но останувале едвај со нешто откако ги плаќале хипотеките, студентските кредити и животните трошоци.

Потоа, Ј.П. се разболел. Тој рече: „Кога имав повреда на грбот и морав да направам две големи операции на ‘рбетот за два месеци, не можев да работам, имав една година закрепнување, а потоа повеќе не можевме да си ги дозволиме куќата и автомобилите. Ги продадовме автомобилите и куќата и се преселивме во Денвер – сепак секој месец влегувавме во минус поради долгови. Бевме во неволја. Не знаевме што да правиме, тоа беше многу стресно време“.

Двојката размислувала да земе втора хипотека, но тие не сакале да влезат во повеќе долгови – веќе се соочувале со студентски заеми и други сметки од над 60.000 долари за да се исплатат. Така дошла одлуката да се преселат во Куенка, во Еквадор.

Нивниот живот целосно се промени, ЈП рече: „Можеме да го поминуваме времето заедно, го исплативме долгот, конечно можеме да заштедиме за пензија. Не поставуваме аларм наутро, се будиме кога ќе се разбудиме – готвиме заедно. И двајцата имавме прекумерна тежина и тука изгубивме околу 50 килограми заедно“.

И нивните трошоци за живот значително се намалија, што значи дека тие исто така можат да штедат за пензионирање на начин на кој никогаш не би можеле во САД.

ЈП рече: „Бев навистина блиску или да умрам или да бидам парализиран од вратот надолу и сфативме дека не вреди да се работи за пензионирање што можеби никогаш нема да можеме да си го дозволиме. Тоа беше кога сфативме дека американскиот сон умира – дека повеќе не постои. Многу луѓе ни велат дека ќе мора да работат додека не умрат, тие се заглавени во овој циклус“.

Двојката е една од стотиците кои избегаа од зголемените трошоци за живот во САД поттикнати од пандемијата и инфлацијата.

Постарите луѓе сè почесто ќе го направат овој потег кога ќе сфатат дека работат за пензионирање што можеби нема да можат да си го дозволат.

На крајот на 2021 година, речиси 450.000 пензионери ги добија своите социјални бенефиции надвор од САД, од 307.000 во 2008 година, според Управата за социјално осигурување.

Минатата недела беше откриено дека на Американците во просек им требаат дополнителни 11.400 долари годишно за да си го дозволат истиот квалитет на живот што го уживаа во 2021 година, според анализата на републиканските членови на Заедничкиот економски комитет на американскиот Сенат.

Достапноста на становите падна на повеќедецениско ниско ниво оваа година. За време на пандемијата, цените на куќите се искачија од 329.000 американски долари во јануари 2020 година на 433.000 долари две години подоцна, според податоците од американскиот попис.

Стапките на хипотека исто така се зголемија, некој што ќе купи дом од 400.000 долари пред две години би платил околу 1.623 долари месечно за својата хипотека. Истиот купувач денес се соочува со месечни исплати од 2.585 долари – повеќе од 1.000 долари дополнителни.