Дали диносаурусите, какви што ни се познати нам, на луѓето, можат да се најдат и на други планети?

Кога станува збор за потрагата по вонземски живот, научниците развиваат нови пристапи, и покрај нашето традиционално разбирање за вонземјаните. Во новата студија објавена во „Monthly Notices of the Royal Astronomical Society“, научниците претставија фасцинантен начин за пребарување на планети населени со суштества слични на диносауруси.
Една од клучните точки во истражувањето е да се бара атмосфера слична на онаа што била присутна на Земјата пред повеќе од 65 милиони години – ерата кога на нашата планета владееле диносаурусите. Во тоа време, нивоата на кислород во атмосферата беа значително повисоки отколку денес.

Коавторката на студијата Лиза Калтенегер го истакнува значењето на овој пристап: „Светлиот отпечаток од прст на модерната Земја беше наш образец за идентификување на потенцијално погодни планети, но имаше време кога овој отпечаток беше уште поизразен – подобро покажуваше знаци на живот“.

Истражувачите се надеваат дека ќе откријат планети со атмосфери што содржат повеќе кислород од Земјата. Ова, пак, би можело да не наведе да откриеме не само микроби, туку и поголеми, посложени форми на живот.

„Се надеваме дека ќе најдеме некои планети кои сега имаат повеќе кислород од Земјата…“, вели еден научник, предупредувајќи дека би можеле да бидеме на работ да откриеме уште поневеројатни форми на живот во галаксијата.

Можеби, во далечните краишта на вселената, во крилјата чекаат вонземјани „диносауруси“. Единственото прашање е дали можеме да ги откриеме.