Дали сте знаеле дека постои правилен начин на јадење кроасан? Експертот по бонтон открива зошто треба да си седите дома, ако јадете кроасан вака…

Јадењето кроасани е национална „забава“ во Франција , но француската навика да ги потопуваат кроасаните во кафе не е прифатлива во Британија – „или во било кое високо општество“, според експертот за бонтон Вилијам Хансон.

Вилијам направи вирално видео на „Инстаграм“ во кое го објаснува правилниот начин на јадење кроасани, а првата поента што ја истакнува е дека „никако не го потопувате кроасанот во кафето“.

Колку и да е вкусен кроасанот натопен со кафе за некого, тоа е практика што најдобро треба да ја правите дома. Со затворени завеси“.

Во клипот, Вилијам објаснува дека „на сличен начин не користите путер на кроасанот“, бидејќи „тој е веќе подмачкан со путер“.

Друго нешто што е забрането е користење на нож за да се отвори кроасанот пред да се додаде џем или крем.
Вилијам вели: „Наместо тоа, скрши малку од кроасанот и додади џем или мармалад на тоа парче кроасан“.

Дали е учтиво да се јадат житарки за појадок?

Вилијам вели: „Житарките се помодерен производ за појадок, за споредба и иако никде не е традиционално, нема ништо лошо во изборот на житарки за појадок“.