Дамјан Давков е апсолутен шампион на првата Европска Математичка Олимпијада ЕМО 2026
Дамјан Давков од Штип е најдобриот европски математичар, шампион на ЕМО 2026. Не само медалист. Не само еден од добрите. Прв на листата, со 44 поени, колку и натпреварувач од Казахстан кој исто е прворангиран. Двајца делат прво место. Но по бодови, само еден е вистинскиот шампион. И тоа е Македонец.
На првата ЕМО, Македонија освојува три медали – злато, сребро и бронза
Европската Математичка Олимпијада се одржа за прв пат оваа година, во Вилнус, Литванија. 124 натпреварувачи од 19 европски држави се натпреваруваа во решавање на осум задачи во два дена. Македонија испрати шест ученици и се врати со вкупно три медали. Дамјан Давков освои злато со 44 поени. Ивано Божиновски сребро со 29 поени. Леонид Тодороски бронза со 23 поени.
Македонија на шесто место во Европа според бројот на освоени медали
Во екипен пласман по број на одличја, Македонија заврши на шесто место, зад Казахстан, Украина, Бугарија, Франција и Грузија. За земја со помалку од два милиони жители, на првата ЕМО во историјата, со златен, сребрен и бронзен медал и шесто екипно место, единствениот точен збор е: извонредно.
Коментирај анонимно