Дојде спасот за загрозените животни? Првиот клониран Арктички волк во светот е роден во Кина!

Арктички волк е клониран за прв пат од генска фирма со седиште во Пекинг, која зела донаторска клетка од дива женка на Арктичкиот волк и ја комбинирала со ембрион кој бил одгледуван во бигл, кој дели генетско потекло со древните волци за да обезбеди процесот да биде успешен.

Кученцето, по име Маја, е родено во јуни, но „Singogen Biotechnology“ чекаше да го објави нејзиното раѓање додека не наполни 100 дена со надеж дека клонот ќе биде во добро здравје.

Арктичките волци не се загрозени како другите раси, но „Сингоген“ се надева дека ќе го искористи овој процес за да спаси други видови кои се во опасност од исчезнување.

Иако ова е научно откритие, клонирањето на животни наиде на контроверзии бидејќи активистите велат дека животните кои се вклучени страдаат во операциите неопходни за добивање на донаторски клетки и трансфер на ембриони. Друг аргумент против процесот што некои го гледаат производството на животни со клонирање е дали оваа техника прекршува некаква морална забрана, како на пример луѓето „играат Бог“ со производство на ембриони без оплодување. Другата страна на аргументот верува дека клонирањето животни е начин да се спасат видовите на работ на истребување.

Без разлика, Маја се смета за пресвртница за примената на технологијата за клонирање. Таа е создадена преку истата техника зад овцата Доли, првиот цицач, клониран во Шкотска во 1996 година, што се нарекува нуклеарен трансфер на соматски клетки. Доли, сепак, беше еутаназирана на шест години кога беше откриено дека има тумор на белите дробови. Засега се вели дека Маја е во добра здравствена состојба и покажува однесување на традиционално арктичко кученце волк.

Компанијата за генетика која стои зад проектот сака да истражи како да ги зачува животните повеќе изложени на ризик од колегите на Маја. Сепак, пред нив има уште долг пат. „Релативно е полесно да се клонираат кучиња и мачки“, рече генералниот директор, Џидонг

„Ќе продолжиме да работиме на ова поле. Во следниот чекор, може да клонираме ретки диви животни, освен кучиња или мачки… и ќе биде потешко“.

Но, некои од научната заедница изразија загриженост, особено за здравјето на клонираните животни и како клонирањето ќе влијае на биодиверзитетот. На Маја, од своја страна, е предодредена да го помине остатокот од животот во заробеништво поради недостатокот на социјализација.

Клонирањето животни беше Светиот грал за научниците уште пред Доли, но сега станува начин да се оживеат видовите кои оттогаш исчезнале од Земјата. Што мислите клонирањето е спас или казна за животните?