Еден од најголемите проекти што некогаш ги создала човечката раса ја успорува ротацијата на Земјата и ја загрижува НАСА. Што мислите која држава го има направено проектот?

Еден од најголемите проекти што некогаш ги создала човечката раса ја успорува ротацијата на Земјата.

Тоа се случи како резултат на инженерскиот подвиг во Кина за изградба на Браната Три Клисури, која е најголемата електрана во светот.

Сместена на висина од 175 метри надморска височина, изградбата на браната доведе до тоа 1,5 милиони луѓе во Кина да ги напуштат своите домови, бидејќи 13 градови и 140 села беа поплавени за проектот да стане реалност.

Станува збор за хидроелектрична брана на реката Јангцекјанг, која се наоѓа на западниот крај на Вухан.

Зошто браната беше изградена?

Кинеската влада ја сметаше за неопходна за да ги спречи постојаните катастрофални поплави на пониските земјишта, а истовремено и како начин за напојување на градовите и селата.

Загриженост на НАСА

Во текот на планирањето и изградбата, се појавија сериозни прашања, како што се опасност од лизгање на земјиштето, загадување, болести и сеизмичка активност.

„Епската големина на проектот е соодветна на нивото на контроверзии што продолжува да ги предизвикува,“ напиша НАСА на својата веб-страница Earth Observatory.

„Загриженоста вклучуваше големи еколошки последици, преселување на 1,2 милиони луѓе, поплавување на 13 градови, над 1.300 села, археолошки локалитети и депонии со опасен отпад. Еколошките проблеми вклучуваат зголемена сеизмичност поради акумулацијата на водата, лизгање на земјиштето, промени во екосистемите, акумулирано загадување, зголемени шанси за болести поврзани со вода и промени во соленоста на естуаријот на Јангцекјанг“.

Како браната ја успорува ротацијата на Земјата?

Згора на сето ова, утврдено е дека браната, која беше завршена во 2012 година, влијае на движењето на Земјата додека се врти низ универзумот.

НАСА објасни дека масивни промени во распределбата на масата на Земјата можат да имаат мали влијанија врз инерцијата на планетата (односно како ротира).

Ефектот на браната врз должината на денот

Д-р Бенџамин Фонг Чао, геофизичар во Центарот за вселенски летови Годард на НАСА, објасни дека огромната брана има капацитет од 40 кубни километри вода.

Ова е еквивалентно на неверојатни 10 трилиони галони вода. Во споредба, д-р Чао рече дека овој волумен е сличен на масата што беше поместена за време на земјотресот и цунамито во Индискиот Океан во 2004 година, кое регистрираше јачина од 9,1 степен по Рихтеровата скала.

НАСА откри дека тој земјотрес ја намали должината на денот за 2,68 микросекунди. Наспроти тоа, кога браната во Кина е на својот највисок капацитет, создава многу мала отпорност на ротацијата на Земјата – што го прави денот подолг.

Според пресметките на д-р Чао, должината на денот би се зголемила за 0,06 микросекунди, а позицијата на Земјината оска би се поместила за околу два сантиметри.

Што значи ова?

Овие промени се маргинални, но сепак значајни. Тие се слични на ефектите што ги предизвикуваат природните катастрофи, како земјотресите.

Но, фактот што човечките активности можат да создадат слични ефекти како овие големи географски настани покажува колкаво влијание може да имаме врз нашата планета.

И можеби, зошто треба да бидеме внимателни со тоа што го правиме.