Експерт го открива „скриеното прашање“ на кое треба да внимаваат сите кандидати на интервју за работа

Да поминете одлично на интервју за работа и потоа да успеете да ја добиете таа работна позиција е едно од најдобрите чувства кога станува збор за кариера што ја сакате.

Но, многумина од нас сметаат дека може да биде доста незгодно да се остави целосен впечаток и да се одговори како што треба на секое прашање што ќе го постави потенцијалниот работодавец.

Па, еден експерт е тука да даде совет за „скриеното прашање“ кое често се додава на вообичаените прашања за вашите вештини и способности за работа.

И тој не е првиот. Легендарниот бизнисмен Стив Џобс исто така беше познат по својата сопствена техника за интервјуирање наречена „пиво тест“.

Д-р Џорџ Сик е психолог и експерт на работното место на eras.co.uk , кој рече дека ова игра многу важен дел од интервјуто за двете страни на масата. И што е важно, од витално значење е да се одлучи кој ќе ја добие работната позиција. А тоа е муабетењето.

„Муабетењето му нуди на кандидатот шанса да остави прв, но траен впечаток“, рече д-р Сик.

Да, тоа е точно, тоа е прашањето што нема врска со вашата способност за работата, туку дава слика од вас како личност.

Тој рече: „Во морето од биографии, ова е шанса навистина да се истакнете наспроти другите кандидати, а интервјуерите да дознаат каков е навистина кандидатот. Всушност, во азиската и блискоисточната деловна култура, муабетот е веројатно уште поважен отколку што е на Запад, особено кога станува збор за разговори за семејствата“.

Д-р Сик вели дека работодавците ќе бараат неколку работи за време на овој дел од интервјуто, почнувајќи од тоа колку удобно изгледате за време на разговорот. Покажувањето знаци на подготвеност да се работи заедно со другите е исто така голем бонус заедно со позитивниот став.

И ако вашата работа вклучува доста често комуникација со луѓе, покажувањето голема желба да се вклучите во разговор е огромен бонус над секое CV или вештини.