Ел Макферсон избрала да не прима хемотерапија по дијагнозата со рак. И покрај критиките таа се одлучила за поинаков пристап и вели дека е успешен

Ел Макферсон неодамна сподели зошто решила да не оди на традиционални медицински третмани откако била шокирана од дијагнозата на рак.

Пред седум години, поранешната манекенка имаше операција за отстранување на грутка од градите, и беше откриено дека има интрадуктален карцином на HER2-позитивен естроген рецептор – еден вид рак на дојка.

Во интервју за „Women’s Weekly“, 60-годишната Макферсон рече: „Беше шок, беше неочекувано, беше збунувачки, беше застрашувачки на толку многу начини и навистина ми даде можност да копам длабоко во мојата внатрешната смисла да најдам решение што функционираше за мене“.

Докторите првично ѝ препорачале мастектомија (отстранување на ткивото на дојката), хормонска терапија, реконструкција на градите и хемотерапија.

Меѓутоа, во нејзините претстојни мемоари, „Животот, лекциите и учењето да си верувате“, Макферсон открива дека избрала поинаков пат – похолистички пристап. Откако се молела и медитирала на плажа во Мајами, сфатила дека не сака да го следи традиционалниот медицински пат. Наместо тоа, таа избра да се потпре на природни и холистички методи.

Таа ја опиша оваа одлука како „прекрасна вежба во тоа да бидам верна на себе, да си верувам себеси и да верувам во природата на моето тело и начинот на дејствување што го избрав“.

Макферсон призна дека одбивањето на стандардните медицински третмани е многу тешко, велејќи дека тоа е „најтешката работа што некогаш сум ја направила во мојот живот“. Сепак, таа сметаше дека ќе беше уште потешко да ги игнорира сопствените инстинкти.

Таа се преселила во нов дом во Феникс, каде што работела со лекар специјализиран за холистичка медицина, вклучувајќи остеопатија, хиропрактичка нега и други терапии. Таа рече дека секој ден го поминувала фокусирајќи се на себе да се лекува.

Макферсон сега вели дека е во „клиничка ремисија“ и се заблагодарува на нејзиното семејство за поддршката, иако не сите се согласија со нејзиниот избор. Нејзиното најмало дете го поддржуваше, но најстарото не беше сигурно, а нејзиниот поранешен партнер имаше загриженост, но ја почитуваше нејзината одлука.

Таа објасни: „Флин, бидејќи беше поконвенционален, воопшто не беше задоволен со мојот избор. Сепак, тој е мој син и би ме поддржувал во се и би ме сакал преку моите избори, дури и ако не се согласува со нив“.

Што велат експертите за алтернативните терапии за рак?

Повеќето третмани за рак вклучуваат операција, хемотерапија и радиотерапија. Некои пациенти користат и комплементарни холистички терапии како акупунктура, хербални лекови, масажа и јога за да се чувствуваат поудобно и да го подобрат квалитетот на нивниот живот.

Меѓутоа, наместо стандардните медицински третмани се користат алтернативни терапии. Не постои научен доказ дека алтернативните терапии можат да излечат рак.