Електричен шок на мозокот носи неверојатно подобрување на математичките способности – Дали ова е иднината на учењето?

Во експериментот учествувале 72 студенти од Оксфордскиот универзитет. Нивната мозочна активност внимателно се следела преку скенирање на три клучни мозочни области. Потоа, студентите решавале математички задачи – и задачи за директна пресметка, и задачи што бараат меморија.

Резултатите покажале дека колку е посилна врската помеѓу дорсолатералната префронтална кора и задниот дел на париеталниот кортекс, толку подобро студентите сметале. Ова е врската што ги прави генијалците во математика поразлични од другите.

Најслабо рангираните студенти добиле електрична стимулација на мозокот – метод без болка, наречен транскранијална шумова стимулација. Нивните резултати скокнале за 25–29%! Овие резултати укажуваат дека стимулацијата активира нервни ќелии и им помага на мозоците кои не функционираат оптимално.

Иако оваа технологија ветува помош за оние кои имаат тешкотии со математика, научниците предупредуваат – нејзината достапност само на привилегираните може да ја зголеми нееднаквоста. Истражувачите апелираат: Никогаш не обидувајте се да го направите ова сами, без надзор на специјалисти!