Есејот на ученичка од 1969 прави застрашувачко прецизни предвидувања за иднината

Една млада ученичка предвиде некои од клучните достигнувања во домашната технологија, 55 години пред нивното појавување.

Со вознемирувачка чудна точност, неименуваното 11-годишно девојче предвиде видео-повици кои станаа голем дел од нашето секојдневние посебно по пандемијата.

Други предвидувања беа и цел оброк во форма на гума за џвакање.

Визијата на девојчето за идниот живот и технологијата требаше да ја илустрира „далечната 1980 година“ и беше откриена од тапацерот Питер Бекертон додека реновирал стара софа за клиент.

Од 23 февруари 1969 година, есејот започнува со девојката која си го замислува својот иден сопруг како се враќа од работа.

Со малку несовршен правопис, таа пишува: „Здраво драга“, ми рече тој. „Треба да му се јавам на мојот пријател на телефон“. „Па, подобро среди се малку“, реков. Во 1969 година телефонот беше квадратна кутија со ресивер на врвот. Сега сè уште е приемник, но можете да ги видите луѓето со кои разговарате, бидејќи има екран. Тоа е малку како телевизија“.

Сопругата на Питер, Роза (66), решила да го објави есејот во јавноста со надеж дека авторот, кој денес ќе има околу 62 години, можеби ќе го види.

Таа рече: „Кога мојот сопруг ми го покажа тоа, не можев да верувам“.

Таа додаде: „Беше едноставно толку интересно, бидејќи гледајќи го денес, таа за многу од нејзините предвидувања е некако во право – но на нејзиниот детски невин начин мислеше дека сето тоа ќе се случи за 10 години“

Есејот не ги предвидува сите технолошки достигнувања што ги уживаме денес – наместо паметен телевизор со далечински управувачи или гласовни команди, телевизорот е опишан како „голем екран со копчиња на потпирачот за раце на фотелјата и можете да го вклучувате и исклучувате од таму“

Оброците, исто така, не ги исполнија замислите на младата девојка од 1960-тите: „Сè што имаме е само гума за џвакање за јадење. Можеби мислите дека немаме доволно за јадење, но грешите, бидејќи оваа гума за џвакање е храна“.

Делото беше обележано од наставник кој направи неколку корекции со црвено пенкало и изговара дека е „Добро“.