„Го оставив сопругот и научив да возам на 43 години. Сега живеам во комбе и не се каам за ништо!“

На Мина Вотерхаус ѝ здодеал животот во Јужна Австралија, финансиски била под стрес поради трошоците за живот и била во процес на разделба со сопругот, кога се решила да купи половно возило „Ford Transit“ за 19.000 долари.

Кога била тинејџерка, Мина имала амаксофобија – попозната како страв од возење – и никогаш не ја добила возачката дозволат и покрај тоа што секогаш сакала да поседува комбе. Подоцна во животот, таа го победила стравот и научила да вози и автомобил и чамец. Но, откако ја стекнала независноста што доаѓа со возењето, таа се осмелила да посети безброј живописни дестинации.
„Се чувствувам како да си го враќам животот од кога бев помлада, повторно откривајќи ги работите во кои уживав тогаш“, изјавила Мина.

Нејзиниот живот со комбе започнал пред 12 месеци со работен договор на плажата Вајтхавен во Квинсленд. Самото комбе сè уште нема кујна, туш или проточна вода – но таа бара да ја прошири и изолира внатрешноста. Моментално има кревет, складиште, мал фрижидер, вентилатор и подвижен покрив.

Таа ги користи потребните погодности или на работа, каде и се обезбедува храна, или на кампови. Но, таа нема интернет и хотспот од нејзиниот телефон, што понекогаш може да биде предизвик. Мина нема деца, туку има апетит за спонтани авантури.

Иако може да стане осамена на патот, Мина е задоволна во своето друштво и никогаш не останува предолго на едно место. Слободата ѝ дала и начин на живот без стрес и без кирија – а нејзината единствена грижа е каде ќе паркира ноќе.

„Го сакав мојот живот во Квинсленд. Работев на брод, носејќи туристи во Вајтхевен и на прошетки до видиковецот Хил Инлет. Имав неверојатни вечери, шетав насекаде и станав многу фит“, рече таа.

„Пливав со желки, запознав секакви луѓе, направив додатоци на моето комбе, ставив вентилатор и тенда од страна“.

Во моментот таа ја истражува Јужна и планира да продолжи да живее во комбе до следната авантура – каде и да е тоа.