„Го пропуштив породувањето на внука ми и сега ќерка ми е вознемирена. Мислам дека претерува, ние ѝ се извинивме многупати“

Никој не е роден знаејќи како да биде родител; истото важи и за бабите и дедовците. Тие секогаш учат како да му помогнат на своето семејство и да уживаат во квалитетно време со нивните внуци. Но, пред сè, тие се и поединци кои сакаат да уживаат во животот и да искусат нови работи. Луѓето често го забораваат тоа, а тоа може да предизвика конфликти. Тоа е она што се случи во овие приказни. Бабите и дедовците на новороденото бебе решиле да одат на одмор, а нивните слободни денови завршиле преклопувајќи се со трудот на мајката.

Па кој мислите дека е во право?

„Со жена ми отидовме 2 недели на одмор во Канкун. Цела година го планиравме овој одмор и штедевме за да можеме да одиме. Веќе имавме букирано и платено сѐ пред воопшто ќерка ни да ни каже дека е бремена.

Бевме свесни дека ќерка ни кај и да е ќе се породи кога отидовме, но нејзиниот термин беше на крајот на месецот, па имавме време. Но, на шестиот ден таму, се јави зетот за да ни каже дека ѝ пукнал водењакот и дали може да се качиме во авион и да се вратиме дома.

Му кажавме дека е невозможно да стигнеме на време и да нѐ известува за сѐ што се случува. По неколку часа добивме повик од ќерка ми да ни каже што и како и не праша кога ќе се вратиме, зашто сака да сме таму, нејзиниот пораѓај е подолг од што очекувала и е исплашена. Прв пат е мајка, па е нормално да се плаши. Со мајка и ѝ кажавме дека сѐ ќе биде во ред, но не можеме само така да се спакуваме и да заминеме. Таа се вознемири и ми спушти.

Часови подоцна, сред ноќ, веќе спиевме па го пропуштивме повикот. Зетот кажа дека имало компликации и дека докторите се одлучиле да ја породат со царски рез. Следното утро веднаш им се јавивме и ќерка ми кажа дека била исплашена, дека нештата можеле да се влошат, а нам ни бил поважен одморот во Канкун и ни спушти. Се обидовме да ѝ ѕвониме, но не ни креваше.

Бебето беше родено здраво и нашата ќерка е во ред. Гледаме слики од нашата внука само на Фејсбук зашто ќерка ни не ни дозволува да ја видиме и едвај имаме прозборено како што се вративме дома. Планиравме да бидеме тука за раѓањето на нашата внука, но не можевме да заминеме на 6-тиот ден од одморот на кој потрошивме огромна сума на пари и дури и да го направивме тоа, немаше да стигнеме на време. Дури и да стигневме на време за пораѓањето, немаше што да направиме ние, докторите знаеја што треба.

Мислам дека ќерка ни преувеличува безпотребно. Ние ѝ се извинивме многупати.