Господин Дудл две години го црта секој милиметар од својата ќуќа од соништата, вредна 1,35 милиони евра и ја претвора во „Doodle House“!

Светски познат уметник поминал две години покривајќи го секој квадратен сантиметар од својата куќа вредна 1,35 милиони евра во „дудлови“ – пробивајќи го својот пат низ 900 литри емулзија, 401 лименка боја со спреј, 286 шишиња со боја за цртање и 2.296 пенкалa.

Сем Кокс, познат и како г-дин Дудл, ги поминаl последните две години малтерисувајќи ги ѕидовите на неговата нео-грузиска палата со шест спални соби со црно-белите цртежи, преку кои стана познат.

28-годишниот уметник има 2,7 милиони следбеници на „Инстаграм“ откако студирал илустрација на Универзитетот во Западна Англија во Бристол, каде што поминувал 16 часа дневно цртајќи, поради што го добил прекарот „Човекот на ларвата“.
Тој стана познат во 2017 година, кога отвори продавница „Мистер Дудл“ на станицата Олд Стрит во источен Лондон.

И во 2019 година, сонот на 28-годишниот артист се оствари кога го купил имотот во чудниот град Тентерден, Кент за 1,35 милиони евра.
„Ми рекоа што и да правиш, те молам немој да правиш „doodles“. Не ги послушав“.

Авантуристичкиот проект на уметникот започнал во главната спална соба – која ја украсил со цртежи на тема „соништата“ – и бањата со 2.000 плочки, која има морска тема.

Првата етапа траела исцрпувачки два месеци за да се заврши, но г-дин Кокс бил решен да ја заврши сам. И покрај тоа што призна дека не планирал ниту еден од неговите цртежи, г-дин Кокс и дал на секоја соба своја тема.

На пример, ходникот е покриен со креации на Ноевата арка, додека скалите се украсени со цртежи на Рајот и Пеколот.
Тој рече: „Имав груба идеја за темата, но поединечните дудлови се спонтани.

За внатрешните дудлови, 28-годишникот објаснил дека користел црна акрилна боја и бинго-маркер-пенкало во четири различни големини. Сите површини се лакирани за да не избледат. А за надворешноста на имотот користел боја со спреј.
Единствената лоша страна на чудната куќа на Сем е тоа што го привлекува вниманието на локалните деца кои почнале да ѕвонат на вратата од љубопитност. Но, уметникот сè уште не добил никакви поплаки од неговите соседи, па затоа не планира да ја ублажи естетиката на имотот или да се пресели во скоро време.

Тој додава: „Тешко дека ќе ме убедат да се преселам, дури и ако тоа се неверојатни пари. Би бил тажен ако треба да ја напуштам оваа куќа, бидејќи ми е прва“.

Г-дин Дудл, неговата сопруга Алена и нивното куче сега планираат живите уметнички дела да ги направат постојан дом во наредните недели. Двојката се запознале на „Инстаграм“ откако Алена коментирала на едно од видеата на Сем и ги поттикнало лично да се сретнат во Берлин во 2018 година.

Алена, која се преселила во Обединетото Кралство од Харков, Украина во 2020 година, вели дека ѝ се „смирувачки“ монохроматските дудлови, па дури и вози „Тесла“ со овој дизајн.

Сепак, уникатната естетика на Сем не била лесна за живеење – дури и за самиот уметник.

Во февруари 2020 година, тој се заразил со грип и почнал да има халуцинации за неговите дудлови, што довело до тоа да помине шест недели на психијатриско одделение.

Тој изјавил: „Мислев дека живеам во видео игра како г-дин Дудл и дека сум пријател со Бенкси. Страшно е чувството да мислиш дека го губиш умот и да не знаеш што е реално. Невозможно е да знаете како да постапите или кому да му верувате“.

Според Сем, лекарите рекле дека неговата психотична епизода била предизвикана од стрес – нешто што тој го сведува на борба со административната страна на неговата работа.

Тој додава: „Мило ми е што повторно ја разбирам реалноста и сега се грижам да одам на прошетки и да излегувам надвор од мојот свет“.