Гостин во ресторан оставил бакшиш од 10.000 долари на сметка од 32 долари – причината за овој потег е срцепарателна

Оставањето бакшиш во ресторан е убав начин да му се заблагодарите на персоналот за нивната добра услуга. Луѓето често ставаат помеѓу 10-20% од вкупната сума како бакшиш, додека други можеби го оставаат минималниот износ. Но, вработените на еден ресторан останаа зачудени од гестот на еден клиент.

Тимот во „Mason Jar Cafe’s“ во Мичиген, САД, обично добива бакшиш од околу 15-25%. Но, честопати имаат среќа да добијат и повисок бакшиш.
Но, претходно овој месец, персоналот доби бакшиш од 10.000 американски долари, околу 30.835% од целата сметка која била околу 32,43 долари.
Говорејќи за „The Hill“, менаџерот Тим ​​Свини рече: „Типично, одвреме-навреме ќе добиеме 100 долари. Но, никогаш ништо големо колку ова“.

Клиентот, кој бил идентификуван како Марк, направил сметка од 32,43 долари во ресторанот пред да додаде богат бакшиш од 10.000 долари на крајот. Секако, со толку голем дел од понудените пари, Тим сакаше да се увери дека клиентот не направил грешка.

Тој додаде: „Имав разговор со него. Тој сакаше да ги остави парите“.

Токму во тој момент, љубезниот странец ја открил трогателната причина за неговиот дарежлив бакшиш. Тоа го направил во спомен на пријател кој неодамна починал.

„Тој бил во градот поради погребот. Тоа беше навистина чин на љубезност што влијаеше на толку многу луѓе“.

Тимот во ресторанот одлучил да ги подели 10.000 долари на персоналот – што значи дека секој си однел дома нешто повеќе од 1.100 долари.