Градот Бартикупу, во бразилската Амазонија, буквално тоне во земја

Градот Буриткупу, сместен на североисточниот раб на бразилската Амазонија, полека исчезнува во земјата. Во последните недели, огромни провалии, длабоки неколку метри, ги принудија локалните власти да прогласат вонредна состојба.

Околу 1.200 луѓе од вкупното население од 55.000 се во ризик нивните домови да пропаднат во сè пошироките пукнатини.

„Во текот на последните неколку месеци, овие провалии се проширија, приближувајќи се опасно блиску до домовите,“ се наведува во вонредната уредба што градската управа ја донесе овој месец. Неколку згради веќе се уништени, се додава во документот.

Овие нови провалии се само продолжение на проблемот кој жителите на Буриткупу, во државата Марањао, го следат повеќе од 30 години. Постојаните дождови со децении ги нагризуваат почвите, кои поради нивната песочна структура се особено ранливи. Покрај тоа, лошото урбанистичко планирање и уништувањето на шумите уште повеќе ја влошуваат ситуацијата.

Овие големи ерозии на почвата во Бразил се нарекуваат „воцорока“ – збор со домородно потекло што значи „да ја растргнеш земјата“ и е еквивалент на провалии.

Ситуацијата се влошува во периоди на обилни врнежи, каков што е сегашниот, објаснува Марселино Фаријас, географ и професор на Федералниот универзитет во Марањао.

Антонија дос Анжос, која живее во Буриткупу веќе 22 години, стравува дека наскоро ќе се појават нови провалии. „Оваа опасност е пред нашите очи, а никој не знае каде под нас веќе се отворила пукнатина,“ вели 65-годишната жителка.

Лукас Консеисао, секретар за јавни работи и инженер во Буриткупу, вели дека општината нема капацитет сама да најде решение за овој сложен проблем.

„Овие проблеми вклучуваат сè – од процесите на ерозија до преселувањето на луѓето кои живеат во ризичните подрачја,“ објаснува тој.

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!