Херој или малоумен? 20-годишен татко е поздравен како „херој“ затоа што направил вазектомија после само ЕДНО ДЕТЕ затоа што неговата сопруга била „супер плодна“

Тристан Денхолм, од Мисури, имал само 18 години кога открил дека неговата девојка, сега сопруга, Кришна Руз Галегос останала бремена „неочекувано“ во јануари 2021 година, откако се забавувале само една година.

Сега 21-годишниот Тристан рече дека Кришна штотуку почнала да зема контрола на раѓањето во тоа време, но парот не ја чекал неделата потребна за лекот да делува, па таа останала бремена откако имала незаштитен секс. Тристан рече дека не многу луѓе очекуваат да имаат дете на 18 години и откако нивниот син Кајден Денхолм се родил во септември 2021 година, тој почнал да размислува за вазектомија.

Инфлуенсерот признава дека имало низа работи кои го туркале да ја спроведе процедурата, но рече дека неговата сопруга е „суперплодна“ е клучна, бидејќи има историја на неочекувани бремености во нејзиното семејство. Друг фактор беше тоа што тие сè уште живеат во подрумот на неговиот родител.

„Веќе имав дете на 18 години. Повеќето луѓе на 18 години немаат деца и сакам да се уверам дека можам да му обезбедам најдобро што можам. Во моментов тој е мојот главен приоритет. Направив вазектомија како начин да ставам се што имам во ова дете за да му го дадам најдобриот живот што можам. Кога мојата сегашна сопруга забремени, дефинитивно беше несреќа. Мислам дека многу луѓе не планираат да имаат деца на 18 години и едноставно никогаш не мислиш дека тоа ќе ти се случи“.

„Кога се роди мојот син, дефинитивно се размислуваше за вазектомија, но мислам дека одлуката стана многу посериозна кон крајот на 2023 година. Друга причина за добивање на вазектомија беше тоа што мојата сопруга има две сестри и една од нив има четири деца, а ниту една бременост не беше планирана. Дури и нејзината мајка имала детеп пред да наполни 20 години, така што имајќи го сето ова на ум ние изгледа сме изложени на поголем ризик да забремениме отколку другите луѓе. Имаше историја на многу неочекувани бремености. Исто така живеам со моите родители во нивниот подрум и се обидувам да напредувам финансиски. Да живееме сами би било остварливо, но не би можеле да заштедиме пари. Моите родители веќе прават многу за нас и би ни биле поддршка доколку имаме уште едно дете, но само за моменталната животна ситуација во која се наоѓаме мислам дека сакаме да се обидеме да ги одржуваме работите што е можно постабилни и ова е најпаметната одлука“.

И сега четири месеци по стерилизацијата, тој рече дека операцијата е најдобрата одлука и се чувствува како „тежина да му е тргната од градите“.

„Некои луѓе рекоа дека сум глупав што го направив тоа, но други ги разбраа моите поенти и јас завршив со постапката на 11 септември 2023 година. Кога и кажав на жена ми дека сакам да аправам вазектомија, имавме повеќе разговори за ова и се договоривме околу тоа. По разговорот, не беше реално да имаме уште едно дете, барем во следните четири или пет години. Знам дека животот е непредвидлив, но немаше смисла финансиски да имаме уште едно дете и се чинеше како вистинска одлука за нас, со оглед на тоа што живееме со моите родители, а јас веќе имам дете на 21 година“

Откако ја сподели својата одлука за Интернет, тој беше преплавен со коментари, при што многумина ја пофалија неговата одлука и тврдеа дека повеќе мажи треба да го сторат тоа – иако некои предупредија дека тоа е драстичен чекор за 20 годишник кога тие едноставно можат да користат заштита.

„Повеќе мажи треба да го прават ова“.

„Добро за тебе пријателе. Начин на преземање одговорност“.

„Ти си мојот херој!“

Додека пак други ги поентираа очигледните работи.

„Што ако станеш финансиски стабилен и сакаш уште деца?“

„Зошто едноставно немаш односи со заштита?“

Вазектомијата, позната и како машка стерилизација, е хируршка процедура за сечење или запечатување на цевкте што носат машка сперма за трајно да се спречи бременоста. Операцијата обично се изведува под локална анестезија кога пациентот е буден и трае околу 15 минути.

Иако може да биде тешко да се заврши реверзијата на вазектомијата, успехот зависи од тоа пред колку време била направена вазектомијата. Затоа доколку некој има шанси да сака повеќе деца, оваа метода на контрацепција не се препорачува, бидејќи најчесто процедурата е неповратна.