Хорор настанал откако јахта НАТОВАРЕНА со инфлуенсерки во бикини потона во близина на Мајами
Луксузна јахта Lamborghini вредна 4,5 милиони долари потона кај брегот на Мајами Бич во саботата, откако на неа се качиле околу 30 жени во бикини – иако јахтата е наменета за само пет патници. Инцидентот се случил за време на викендот на Formula 1, проследен со гламурозни забави и богата програма.
Жените на јахтата споделувале видеа од себе како пијат шампањ и танцуваат, но забавата брзо се претворила во паника кога јахтата почнала да се навалува и тоне. Во видео објавено од патничката Лорен Никол, може да се види како се делат појаси за спасување, додека жените чекаат да бидат префрлени во спасувачки чамци.
Сите биле спасени без сериозни повреди
Иако ситуацијата била сериозна, некои од девојките продолжиле со забавата и од чамците споделувале снимки на кои се смеат, танцуваат и уживаат. Една жена гордо држела шише од скапа текила Clase Azul Gold вредна 330 долари, извикувајќи: „Бебето е безбедно!“
Според извештаите, биле спасени 32 лица без пријавени сериозни повреди. Американската крајбрежна стража интервенирала брзо, а видеа од потонувањето кружеле на социјалните мрежи. Јахтата Tecnomar for Lamborghini 63 е ретка серија направена во соработка со Lamborghini и The Italian Sea Group, наменета за максимум седум лица (вклучувајќи екипаж).
Духот на забавата не смее да умре!
Инцидентот е под истрага, а прекумерниот број на патници се смета за главна причина за потонувањето. И покрај настанот, Лорен објавила видео од забава на Jungle Island подоцна во текот на денот, покажувајќи дека духот на забавата не бил скршен.
Formula 1 викендот во Мајами е престижен тридневен настан кој привлекува славни личности и љубители на автомобилизмот. Во саботата вечерта, славната забава на Carbone Beach ја посетиле и Патрик Махоумс со сопругата Британи, како и пејачот Џели Рол, кој настапил во живо.
Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!
Не мие јасно…колку трба да си глуп за да ги гледаш тие шмизли…или на друг начина…додека има будали…ќе има и пари..за некој…
Коментирај анонимно