Хотелот по грешка наместо во соба од 40 евра ги сместил во соба од 4000 евра (ВИДЕО)

Катрина Рајт на „TikTok“ откри како таа и нејзиниот партнер добиле хотелска соба во пентхаус во Лас Вегас, Невада.

Во клипот од 35 секунди, кој има над 12 милиони прегледи, Рајт го снима моментот кога таа и нејзиниот партнер ги отвораат вратите на нивната луксузна соба во „Палатата на Цезар“.

„Кога хотелот случајно ќе ви го даде пентхаусот наместо собата од 47 долари што ја резервиравте“, гласи во текстот на видеото.

Модерниот пентхаус има огромен распоред, вклучувајќи трпезарија, дневна соба, спална соба, бањи, мермерни подови и врати од таванот до под. И покрај тоа што Рајт ја резервирала собата од 47 долари на „Hotwire“, пентхаусот може да чини и над 4.000 долари за ноќ.

Во текот на видеото, парот од Калифорнија хистерично се смее во неверување дека нивните 47 долари им донеле толку голема соба.

Многу луѓе на интернет беа запрепастени од собата, споредувајќи ја со пентхаусот во филмот „Hangover“.

Сепак, неколку хотелски работници на интернет велат дека ова што им се случило не е случајно.

„Работев во вакви хотели. Тие знаат што направиле и ви гарантирам дека ви ја дале просторијата за да ви го разубават престојот“, признал еден корисник.

„Мојата омилена работа кога работев во хотел беше подарување соби. Тие соби ретко се продаваат“, додаде друг.