Илон Маск планира да испрати милиони луѓе на Марс, но можат ли луѓето да преживеат? Научниците откриваат што би ни се случило ако пробаме да живееме таму, па засега сакаме да си останеме на Земјата

Претприемачот Илон Маск најверојатно има намера да го направи Марс следниот дом за човештвото. Извршниот директор на SpaceX и Tesla не само што ја гледа идејата како можност, туку развива и конкретни планови за испраќање милиони луѓе на Црвената планета.

Концептот на „Големиот филтер“ стана клучна точка во размислувањето на Маск за иднината на човештвото. Тој тврди дека за да се обезбеди опстанок на човекот, неопходно е да се стане „мултипланетарен вид“. Ова е фундаментална промена во перцепцијата за нашето место во Универзумот, каде што човештвото мора да го прошири своето присуство надвор од Земјата.

Помина речиси половина век од последната посета на Месечината, а Маск верува дека е дојдено време да се вратиме на вселенското истражување. Тој повикува на создавање на постојана населива база на Месечината, која ќе стане почетна точка за понатамошно истражување на Марс. Целта е да се создаде колонија на Црвената планета, што ќе биде почеток на развојот на мултипланетарна вселенска цивилизација.

Дали луѓето ќе можат да преживеат на Марс?

Иако шансите луѓето да слетаат на Марс се големи, веројатноста да преживееме на Црвената планета е мала. Едноставно не сме создадени за таква средина.

Астронаутите кои патуваат на Марс ќе искусат моќни дози на зрачење од приближно 300 милиСиверти, или еквивалент на 24 КТ скенови. Откако ќе пристигнат на планетата, тие стануваат поранливи на болести како рак, срцеви заболувања, оштетување на мозокот, когнитивно опаѓање и многу други.

Според Роберт Вимер-Шваингрубер од Универзитетот во Кил во Германија, астронаутите ќе бидат на Марс подолг временски период од патниците или пилотите на трансатлантските летови, така што ќе бидат изложени на голема количина на радијација. Тој исто така рече дека луѓето не се дизајнирани да издржат космичко зрачење.

Според студијата на Европската вселенска агенција (ESA) од 2019 година, изложеноста на радијација на астронаутите на Марс би можела да биде 700 пати поголема отколку на Земјата. Очите, белите дробови и цревата се делови од телото кои се најподложни на рак. Кај жените, ракот се шири на матката и дојките.

Според една студија од 2020 година, ризикот од неплодност и рак на астронаутите би се зголемил поради изложеноста на радијација која би била 2,6 пати поголема отколку на Меѓународната вселенска станица.

Зрачењето може да му наштети на мозокот покрај тоа што ќе оштети одредени органи во телото. Според други студии, астронаутите ќе доживеат конфузија и ќе ја изгубат способноста да донесуваат одлуки.