Илон Маск: „За неколку години вештачката интелигенција ќе биде попаметна од сите луѓе заедно!“

Илон Маск предвидува дека до следната година вештачката интелигенција ќе ги надмине човечките способности.

На социјалната мрежа „X“, Маск изјаву „Вештачката интелигенција најверојатно ќе биде попаметна од кој било човек во следната година“. Тој, исто така, посочи дека до 2029 година, вештачката интелигенција „веројатно ќе биде попаметна од сите луѓе заедно“.

Прогнозата на Маск се заснова на брзото темпо на развој во вештачката интелигенција и роботиката. Тесла во моментов развива хуманоиден робот, Оптимус, кој може да оди, да извршува задачи и да комуницира со луѓе. Маск сака да го пушти „Optimus“ што е можно поскоро и верува дека неговиот развој наскоро би можел да го достигне понапредниот робот „Atlas“ на „Boston Dynamics“.

Атлас веќе покажува импресивни способности: трчање, скокање и слично. Маск верува дека таквиот напредок во вештачката интелигенција и роботиката ќе доведат до тоа некои технолошки уреди да станат попаметни од луѓето во блиска иднина.

Предвидувањето на Маск беше поддржано од футуристот Реј Курцвеил, кој верува дека темпото на модернизација на вештачката интелигенција ќе им овозможи на ботовите „да се совпаднат со секој човек“ до 2029 година.

Изјавите на Маск и Курцвеил предизвикаа различни реакции. Некои експерти велат дека нивните предвидувања се премногу оптимистички, додека други го поздравуваат брзиот напредок во вештачката интелигенција.

Останува нејасно кога вештачката интелигенција всушност ќе ги надмине човечките способности, но предвидувањата на Маск и Курцвеил покажуваат дека тоа би можело да се случи порано отколку што многумина очекуваат.