„Имам 25 години и 22 деца, бев тинејџерка кога го родив првото и не се жалам! Сакам уште 80!“

Да имате едно дете може да биде исцрпувачки, па замислете да имате 22. Па, толку има Кристина Озтурк и се надева дека ќе има уште 80. Кристина го дочекала своето прво бебе на светот на само 17 години.

Мајката и нејзиниот сопруг милионер Галип, имаат 21 дете добиени од сурогати, тактички потег што го направила Кристина која сакала да има што е можно повеќе деца што е можно побрзо. Минатата година Кристина откри  дека сака 105 деца, додавајќи уште 83 на веќе џиновското семејство.

Таа објаснува: „Постојано сум со децата, ги правам сите работи што вообичаено ги прават мајките“.

Мајката додава дека секој детал од деновите на нејзините деца е запишан во дневниците што ги водат дадилките.

„Јас самата ја родив мојата најстара ќерка Вика пред шест години. Останатите деца се генетски наши од мојот сопруг и мене, но ги носеа сурогати“, открива таа.
Двојката првично сакала да има бебиња секоја година, но Кристина набрзо сфатила дека нејзиното тело нема да може да ја исполни таа нивна желба. Така, парот се свртел кон сурогат мајчинство, трошејќи речиси 10.000 долари по бебе.

Кристина вели: „Клиниката во Батуми ни избира сурогат мајки и ја презема целосната одговорност за процесот. Ние лично не сме запознаени со сурогат мајките и немаме директен контакт со нив за да избегнеме проблеми по бременоста. Но, изминатото лето беше далеку од среќно за парот, бидејќи Галип беше уапсен поради обвинение за перење пари и фалсификување документи во мај.

Кристина се огласи на Инстаграм во август откривајќи дека ситуацијата е „тешка“.

Таа напиша: „Многумина од вас забележаа дека поради настаните што се случија во нашето семејство, ми стана потешко да ја одржувам страницата. Тешко е да се зборува за некои секојдневни работи или радости кога сите мисли се далеку и само зафатени со чекање мојот сопруг да се врати во нашиот дом️. Сигурна сум дека овој ден ќе дојде наскоро, но засега сакам многу да ви се заблагодарам за поддршката и убавите зборови. Тоа е многу важно.”

Нејзина пријателка претходно овој месец објави дека Кристина ќе направи чекор назад од социјалните мрежи додека не се врати нејзиниот сопруг.