„Имавме луѓе кои се смрзнуваа до смрт“ – Брачен пар ги отвори вратите за да нахрани 130 луѓе заглавени од смртоносната снежна бура во Бафало

Брачен пар скокна во акција за да им помогне на погодените од ужасната снежна бура во Бафало, пречекувајќи 130 луѓе во нивниот дом.

Ал Робинсон (52), свештеник од Бафало, Њујорк и неговата сопруга Вивијан, се подготвувале да ги поминат празниците со своите девет деца, но кога снежната бура го опустоши градот, нивните планови се промениле.

Парот детално објасни како ги отвориле вратите и нахраниле 130 луѓе. Тој и неговата сопруга купиле намирници кои требало да им траат две недели, за своето 11-члено семејство, како дел од подготовките за смртоносната бура. Кога неколку метри снег почнал да ги заглавува жителите во населбата Робинсон, тие знаеле дека мора да ги отворат црковните врати за оние кои се во опасност.

„Имавме луѓе кои се смрзнуваа до смрт, не можеше да се вози. Ветрови во комбинација со минусните температура создадоа фактор на студ на ветерот од 20 степени под нулата, па буквално лицето ве боли ако шетате наоколу“, изјави Ал.

Двојката веднаш му се јавила на пријателот кој имал моторна санка и тој набрзо станал составен дел од нивната спасувачка операција бидејќи ги земал луѓето и ги носел во црквата. Ал кажа: „Тој ги земаше заедно со нивните мачки, кучиња и што било друго што би можеле да имаат и ќе ги носеше во црквата“.

За да ја пренесат веста до оние кои страдале како резултат на страшниот циклон, парот објавил на Фејсбук за да ги повика луѓето да дојдат во нивната црква. Ал дури изјави дека биле толку загрижени дека некој ќе остане заклучен надвор од црквата и ќе „замрзне до смрт“, па затоа ги скршиле бравите за да не се заклучуваат автоматски.

До Бадник тие ги отвориле вратите за 130 луѓе, а до Божиќ биле многу над таа бројка. И не само што двојката ги пречекала жителите со раширени раце, туку се потрудила да се погрижи и за потребите на секој поединец.

„Луѓето беа постари. Имавме 92-годишник на кој му требаше кислород. Имавме 9-месечни деца на кои им беше потребна формула“, рече Ал. „Имавме толку многу работи што се случуваа и секоја од тие потреби беше исполнета“.

Ал објасни дека храната што ја купиле за да го прехранат своето 11-члено семејство во текот на две недели се покажало како доволна за да нахранат 130 луѓе за два дена, додавајќи дека тие имале „различни видови на етничка храна од шпанска до арапска и италијанска“.

Парот неодамна продал дом за рехабилитација со надеж дека ќе изградат поголем центар, па тие само ги префрлиле сите душеци и кревети од домот во црквата.

„Го користевме секој од тие душеци и кревети за да ги сместиме сите овие луѓе“, рече Ал. „Тоа беше едноставно лудо. Мислам, како целиот живот што го живеевме претходно да беше за овој момент во времето“.Ал ја заслужи својата вера што му даде шанса да им помогне на другите во толку клучно време. „Луѓето треба да сфатат дека ако Бог им ја дал способноста да му помогнат на некој друг, нивна обврска е да му помогнат“, изјави тој.

Бурата е смета за снежна бура на векот и го зафати источниот брег и средината на западот со ниски температури, неколку метри снег и поплави. Повеќе од 200 милиони луѓе ширум земјата беа погодени од невремето, оставајќи многу семејства да молат за помош, а многумина починаа откако беа заробени во своите автомобили покриени со неколку метри снег или бараа засолниште во стоковните куќи. Националната гарда е распоредена да помогне во спасувачките напори откако службите за итни случаи беа преоптоварени.

Во пресрет на празничниот викенд, гувернерката на Њујорк, Кети Хочул, рече дека секое противпожарно возило во Бафало е заглавено во снегот, додавајќи дека се проценува дека се заглавени околу 500 автомобили. Гувернерот на државата Њујорк рече дека последиците од невремето личат на „воена зона“.

Бафало не претрпел ваква смртоносна бура од 1950 година, што ја прави комбинацијата од жесток снег, ветер и ниски температури најсмртоносната по повеќе од 70 години.

Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!