Инцидент на преминот Србија – Косово: На српски моторџии не им бил дозволен влез

Тензична ситуација се случила на административниот премин меѓу централна Србија и Косово, откако косовските власти не ѝ дозволиле влез на група српски моторџии.

По одлуката, на преминот се собрале повеќе лица, а на снимките што се споделуваат на социјалните мрежи се слуша како дел од присутните извикуваат националистички пароли.

Засега нема информации за посериозни инциденти, нарушување на јавниот ред или интервенција на безбедносните сили. Косовските власти сè уште не соопштиле официјално зошто на моторџиите им бил одбиен влез.