Интелигенција којашто не е за потценување: Научниците за првпат гледаат како орангутан ја лекува сопствената рана со лековити растенија

Научниците забележале како див орангутан нанесува лек на сопствената рана за прв пат во светот. Еден суматрански орангутан, по име Ракус, бил виден како џвака лисја од лековито растение, создава пулпа и ја дава супстанцијата при повреда во близина на окото.

Не само што научниците беа изненадени што орангутанот знаеше дека растението има лековити моќи, туку глетката на мајмун што ги лекува своите рани никогаш досега не била видена. Изненадувачкото набљудување беше направено во националниот парк Гунунг Леузер во Јужен Ачех, Индонезија минатото лето.
Истражувачите го проучувале Ракус otкако првпат го забележале во 2009 година, но на 22 јуни 2022 година забележале дека претрпел некаква повреда на лицето. Иако не е познато како настанала раната, тимот забележал дека машките орангутани честопати добиваат такви повреди во тепачки со други доминантни мажјаци.

По првото видување, тимот се вратил три дена подоцна и го открил Ракус како јаде лисја од растението што локалното население го нарекува Акар Кунинг (научно име Fibraurea tinctoria). Тоа веќе беше необично, бидејќи орангутаните речиси никогаш не го јадат растението. Луѓето долго време го користеле Акар Кунинг за лекување на многу болести, вклучувајќи дијабетес, дизентерија и маларија. Но, никогаш порано не виделе мајмун да го користи.

Тимот го набљудуваше Ракус како ги џвака листовите околу 13 минути, а потоа ја собира пулпата со прстот и ја става околу окото додека раната целосно не се покрие.

И во следните половина час Ракус јадел лисја од лозата. Следниот ден, повторно поминал неколку минути јадејќи ги листовите.

Истражувачите го набљудувале неколку дена подоцна, за да видат дали ќе се појави инфекција од раната – но ништо не се случило.
На 30 јуни, само осум дена откако мајмунот се лекувал, раната била затворена.