Исповед на еден Американец: „Заработувам 3000 долари месечно, а приморан сум да крадам храна од супермаркет за да преживеам“

„Работам прекувремено, но сè уште не можам да си дозволам основни намирници, па сум принуден да крадам од продавници.

Работам како администратор во компанија за собирање податоци во мал град со помалку од 15.000 жители. Годишно заработувам околу 46.000 долари, а по оданочување, месечно ми остануваат 3.070 долари. Но, моите месечни трошоци достигнуваат 3.100 долари – вклучувајќи медицински сметки, студентски кредити и основни потреби.

Пред две години ми дијагностицираа улцеративен колитис и карпален тунел синдром, што доведе до бројни медицински прегледи и долг од над 52.000 долари. Дури и минималните уплати за болничките сметки ми оставаат премалку пари за храна.

Во декември првпат украдов од супермаркет, бидејќи, и покрај тоа што барав попусти и штедев колку што можев, немав доволно за да издржам до следното купување. Оттогаш, тоа го направив пет пати. Никогаш не земам повеќе од две работи – најчесто путер и уште еден неопходен производ, како млеко или грав.

Чувствувам вина и страв дека ќе ме фатат, но немам избор. Не живеам луксузно – не излегувам, не трошам на хобија, возам само кога е неопходно, а исхраната ми е едноставна.

Системот ме изневери. Работам напорно за да преживеам болест што не сум ја избрал. Здравствената заштита не треба да биде толку скапа. Ако некој ме осудува, нека се стави во моја кожа. Ако мислите дека земањето на две евтини работи на секои неколку недели ги зголемува цените, тогаш не сте ја следеле инфлацијата од 2019 година“.