Италија нуди 15 илјади евра за сите оние кои што ќе одат да живеат на прекрасниот остров Сардинија!

Владата на Сардинија нуди грантови до 15.000 евра како поттик за оние кои размислуваат да се преселат на идиличниот италијански остров.

Официјалните лица побараа 38 милиони фунти за иницијативата која има за цел да помогне да ги привлече луѓето во руралните области на Италија и да ја зајакне трговијата во малите градови со тоа што ќе им овозможи на купувачите на станови значителна финансиска помош.

Сардинија е вториот по големина остров во Медитеранот и долго време се смета за природен скапоцен камен со богата културна историја со над 1.000 метри песочни плажи, живописни пристанишни градови и урнатини од бронзеното доба изградени во далечната 1.500 п.н.е.

Но, како и другите рурални области на Италија, регионот страда од намалување на населението и намалување на економијата бидејќи помладите генерации се собираат во големите градови за работа.

Претседателот на Сардинија, Кристијан Солинас, во изјавата рече: „Благодарение на овие придонеси за првите купувачите на домови, Сардинија може да стане плодна почва за оние кои ќе се преселат таму или ќе одлучат да градат семејство.

„Не може да има раст без реално зголемување на териториите, на внатрешните и најзагрозените подрачја, кои мора да поминат низ нови политики за нивно повторно населување“.

„Создадовме услови младите да одлучат да останат и да го развиваат економското ткиво на најкревките територии“.

Атрактивните грантови доаѓаат како дел од националната шема дизајнирана да ги охрабри луѓето да купуваат стари куќи, да ги реновираат и да започнат нови бизниси за подмладување на малите заедници во италијанските села.

Прво и основно, парите од грантот може да се искористат само за финансирање на купување или реновирање на дом во Сардинија.

Имотот за кој станува збор, исто така, мора да се наоѓа во општина со население од помалку од 3.000 жители, бидејќи овие се градовите на кои најмногу им треба економски поттик.
Иако владата ќе ја предаде максималната сума од 15.000 евра во некои случаи, грантот не може да надмине половина од вкупните трошоци на имотот или плановите за реновирање – така што купувачите на домови сепак ќе треба да издвојат значително повеќе од својот џеб.

Италија воведе слична иницијатива минатата година во обид да го зајакне регионот на Калабрија, сместен во „штиклата„ на „чизмата“ на земјата.

Локалните власти нудеа неверојатни суми до 28.000 евра (24.000 фунти), но тие беа наменети како бизнис грантови наместо помош за купувачите на домови.