„Израснав во конзервативен дом и на 14 години изгледав како средовечна мајка на три деца, а сега на 30 изгледам помладо од кога и да е“

Една Австралијка откри како „остарела наназад“ откако ја прифатила новата рутина за нега на кожата и си направила „ремонт“ на стилот.

Рокси рече дека на 14 години изгледала како „средовечна источноевропска мајка на три деца“, но сега, на 30-годишна возраст, изгледа помладо отколку кога била тинејџерка.

Споделувајќи рамо до рамо слики со разлика од 16 години разликите се повеќе од очигледни.

Илјадници луѓе одговорија прашувајќи ги нејзините тајни, додека многумина го споделија својот шок од трансформацијата.

„Имав акни и лошо се хранев. Сега пешачам 10 километри на ден, задолжително ставам крема за сончање на лицето, јадам навистина добро и пијам два-три литри вода дневно. Сега се грижам и ги негувам косата и кожата. Понекогаш правам пилатес и лесно кревање тегови и редовно се истегнувам“.

Некои луѓе не сакаа да веруваат дека е таа, велејќи дека фотографијата е од нејзината баба или мајка, но Рокси инсистираше на тоа дека е вистинска.