Јапонска компанија ја направи првата бежична микробранова печка во светот

Јапонскиот производител на електрични алати „Макита“ неодамна претстави прва од ваков вид пренослива микробранова печка која се напојува од две големи батерии кои можат да се полнат и заменат додека сте во движење.

Безжичните макети за микробранова печка со години се продаваат на интернет, но оваа година јапонскиот гигант за електрични алати „Макита“ одлучи да ги воодушеви сите со подготвена за пазарот печка на батерии која може да загрее храна и пијалоци во движење.
Новата микробранова печка „Makita MW001G“ е способна да испорачува 500 W за осум минути, по што автоматски се префрла на помала моќност од 350 W за да ја зачува енергијата од батеријата. Тежи само 8,8 килограми и може да загрее околу 11 разладени оброци или 20 пијалоци на две целосно наполнети батерии XGT 40V Max 8Ah.

Изгледа дека новата пренослива микробранова печка на „Makita“ е компатибилна со различни батерии за електрични алати, од кои најголемата (33,5 Ah) обезбедува доволно енергија за речиси час и половина греење. Што се однесува до големината на просторот за греење, Макита вели дека „може да собере голема кутија за ручек“.

Јапонскиот производител ја препорачува безжичната микробранова печка за градилишта, јадење во автомобил и итни случаи. „Makita MW001G“ моментално е достапна само во Јапонија за 110.000 јени (840 долари), но ако се покаже дека е барана во својата матична земја, најверојатно ќе се пробие и во странство.