„Јас имам 25, а мојот дечко 46. Луѓето го нарекуваат манијак, а татко ми НЕ беше среќен кога дозна, но нашата врска е совршена – и ова е нашата тајна“

Една девојка која почнала да излегува со маж доволно стар за да ѝ биде татко кога била тинејџерка, вели дека не ѝ пречат коментарите на луѓето за нивната врска.

На Наташа Мари (25) и нејзиниот партнер Харли Џонстон (46) непознати честопати им кажуваат дека не треба да бидат заедно поради нивната 21-годишна разлика. Таа имала 18 години кога за прв пат го запознала својот партнер пред шест години како млад студент кој живеел во Сиднеј. Тие почнале да се гледаат една година подоцна и оттогаш се заедно.

Мари призна дека нејзиното семејство, вклучително и нејзиниот татко, кој е 12 години постар од Џонстон, на почетокот не ја прифатиле нивната врска. Нивните ставови се смениле по неколку месеци, кога прифатија дека таа е во сериозна и љубовна врска и му посакале добредојде во семејството.

Таа вели дека тајната на нивното успешно партнерство е ценењето еден со друг и заедничките интереси.

„Имаме многу заеднички интереси. Заедничките интереси се задолжителни без оглед на вашата старосна разлика“, изјави таа.

Мари се навикнала на коментари од непознати кои ја потсетуваат дека нејзиниот партнер е доволно стар за да ѝ биде татко.

„Ние добиваме многу внимание. Се запознаваме со стотици луѓе, бидејќи работиме на интернет, со текот на годините ни кажуваат „премногу е стар“, „таа е премногу млада“, „таа нема животно искуство“ и слично“.

Мари која била долгогодишен обожавател на Џонстон, решила да го запознае етаблираниот фитнес инфлуенсер кога имала 18 години. Кога почнале да излегуваат една година подоцна, Мари се преселила во Аделаида за да биде поблиску до нејзиниот партнер и да започне сопствена кариера како фитнес инфлуенсер.

Двојката често се појавува заедно на нивните страници на YouTube, каде што може да се пофалат со повеќе од 380.000 следбеници.

Мари исто така објавува слики од парот на нејзината страница на Инстаграм.