„Ќе им ги наполнам главите со прекрасни спомени“, канадски родители ги носат своите деца на едногодишно патување низ светот, пред тие да ослепат целосно поради ретка генетска болест

Канадско семејство со шест члена тргна на едногодишно патување околу светот пред ќерката и синовите да го загубат видот поради ретка генетска состојба.

Родителите откриваат дека нивната најстара ќерка Миа Лемеј-Пелетиер има ретинис пигментоза – што може да ја остави целосно слепа до нејзините 30-ти – откако таа почнала да има потешкотии гледајќи навечер, во 2018-тата година. Следната година на нејзините браќа Колин и Лоран им била дијагностицирана истата болест, но на второродениот Лео сѐ уште не.

Мајката Едит Лемеј, која работи како финансиски службеник во Квебек, каде што и живее семејството, рекла дека кога им била дијагностицирана болеста на браќата, тоа бил одлучувачки момент за да си го остварат патувањето низ светот и да ги наполнат нивните мозоци со „визуелни спомени“ пред да им се влоши видот.
Семејството тргнало во март на одмор, без да имаат одреден план и досега ги посетиле Намибија, Замбија, Танзанија, Турција, Монголија, а сега поминуваат една недела во Индонезија. Тие најпрво планирале да започнат со патување низ Русија и Кина во 2020 година, но тоа биле откажано поради пандемијата на „КОВИД“.

Г-ѓа Лемај вели дека и покрај тоа што на своите деца им дала богата банка со спомени, таа исто така сакала да им покаже на своите деца дека без разлика колку е тежок животот имале среќа што имале вода во нивниот дом и можеле да одат на училиште, бидејќи многу деца не го можат тоа.

Документирајќи ги патувањата на социјалните мрежи, таа рекла дека е прекрасно да се гледаат децата како се собрани сите заедно, но признала и дека е потребен огромен труд и разбирање за да се биде со нив 24/7.

Ретинис пигментоза е ретка генетска состојба каде што клетките во мрежницата, дел од окото осетлив на светлина, почнуваат да се распаѓаат. Неговите симптоми вообичаено првпат се појавуваат во детството со проблеми со гледањето ноќе, при што видот се влошува со текот на времето, а болните постепено го користат периферниот или централниот вид. Не постои третман за болеста, а во некои случаи пациентите ослепуваат до 30-тите.

Мајката Лемај и таткото Себастиен Пелетие ја добиле идејата за светскиот одмор откако нивниот специјалист предложил максимално да ги наполнат децата со „визуелните спомени“.

Во интервју за Си-Ен-Ен Травел , г-ѓа Лемај рекла: „Помислив: Нема да и покажам на Мија слон во книга, ќе ја одведам да види вистински слон“.

„И ќе ја пополнам нејзината визуелна меморија со најдобрите, најубавите слики што можам“.

Таа додава: „Со дијагнозата имаме итност. Има одлични работи да се прават дома, но нема ништо подобро од патување низ светот“.

Коментирај анонимно

Вашата адреса за е-пошта нема да биде објавена.