„Ќе започнеме на најдобар можен начин, ние сме многу самоуверени!“, вели Лионел Меси пред самиот почеток на Светското првенство на Аргентина, без разлика што има повреда и потечен зглоб!

Лионел Меси ги намали грижите околу неговата кондиција и инсистираше на тоа дека се чувствува „многу добро“ пред почетокот на Светското првенство на Аргентина против Саудиска Арабија во вторник.

Седумкратниот освојувач на „Златната топка“ се надева дека ќе ја комплетира својата неверојатна листа на достигнувања со освојување на турнирот, но тој тренира сам како мерка на претпазливост откако се бореше со проблеми со глуждот.

Десниот глужд на напаѓачот беше отечен на тренингот – но самиот Меси инсистираше на тоа дека е добро и подготвен да игра на нивниот воведен натпревар.

„Се чувствувам многу добро физички“, рече тој. „Мислам дека доаѓам во одличен момент, и лично и физички. Немам никакви проблеми“.

Според „Diario AS“, Меси се приклучил на остатокот од тимот на тренинг во понеделникот, но неговиот скочен зглоб изгледал далеку од здрав само еден ден пред првиот натпревар на неговата екипа.
Напаѓачот ги пропушти натпреварите за клупскиот „Пари Сен Жермен“ во подготовките за турнирот поради болки во петата, но неговиот воспален зглоб сугерира дека тој може да се бори со нов проблем.

Се смета дека проблемот може да биде претеран поради тоа што 35-годишниот нема лигаменти на глуждот.

Според „Атлетик“, Меси бил аплаудиран на неговата конференција пред натпреварот од новинарите, со извици „Вамос Лео“ од насобраната публика.

Аргентина, која е еден од фаворитите за освојување на турнирот, во групата Д ќе се соочи и со Мексико и Полска.