Келнерите откриваат: Кои холивудски актери даваат најголем бакшиш, а кои се најскржави? Листата ќе ве изненади!

Кога имате пари колку што имаат A-листерите во Холивуд, би замислиле дека повеќето од нив би биле повеќе од среќни да ги остават келнерите со дарежлив бакшиш. Но, келнерите тврдат дека и покрај тоа што имаат многу пари, некои познати личности сепак се скржави – или уште полошо, дрски.

Некои, исто така, го изразија своето изненадување од најдарежливите ѕвезди пофалувајќи го нивното трпение и манири.

Иконата на американскиот екран Џеф Голдблум беше пофалена за неговата добрина, како и другите ѕвезди како британскиот готвач Гордон Ремзи и Брус Вилис.

Меѓутоа, другите – меѓу кои и омилената на обожавателите Лора Дерн од  „Godmother of Soul“ и Пети ЛаБел – очигледно не оставија добар впечаток.

Чарли Шин

57-годишната холивудска ѕвезда е позната по голем број скандали и се смета непредвидлива јавна личност. Сепак, тој е пофален од еден келнер со „10/10 искуство со познати личности“.

„Чарли Шин влезе во кафулето во кое работам со една од неговите ќерки. Супер љубезен, и остави исклучително добар бакшиш“.

Вилоу Смит

Ќерката на Вил и Џејда Смит, 22-годишната Вилоу, се вели дека е апсолутно задоволство за келнерите.

„Еден мој колега пред неколку години ја служеше Вилоу Смит. Очигледно бил многу добар со неа и остави навистина добар бакшиш.“, рече Ајнотву.

Џеф Голдблум

Можеби не е изненадување што оваа американска ѕвезда (70) – познат по својот шарм и харизма на екранот – исто така се покажа како хит со еден келнер.

„Исклучително убав, многу смешен, одличен бакшиш“

Гордон Ремзи

Тој е познат по тоа што е дрзок и навистина знае да ги навреди келнерите, готвачите и персоналот. Но, овој британски готвач очигледно е задоволство да се служи – што можеби не е изненадување за фановите, бидејќи Гордон Ремзи (56) беше љубезен кон келнерите во неговото реално шоу, Ramsay’s Kitchen Nightmares.

„Еднаш му служев на Гордон Ремзи, бев многу нервозен поради неговата ТВ-персона, но тој всушност беше многу љубезен, веројатно најљубезниот клиент што сум го имал. На крајот на ноќта тој побара да се види со главниот готвач и му подаде рака во знак на благодарност и ни даде бакшиш 100 евра“

Роберт Плант

И покрај тоа што беше фронтмен на еден од најголемите бендови во светот, Лед Цепелин, британскиот музичар Роберт Плант (74) очигледно бил многу лабав гостин.

„Тој остави бакшиш 20%. Се зезаше со шанкерката која беше помлада девојка. Тој ѝ кажа дека е во бенд и таа праша „дали тоа е бенд за кој можеби сум слушнала?“ И тој ѝ рече „не, веројатно не, никогаш не сме станале нешто многу славни“

Брус Вилис

„Брус Вилис беше вистински господин и остави одличен бакшиш. Дури дојде и ми подаде рака за да ми се заблагодари за услугата“ – напиша еден келнер.

Мајк Мајерс

Мајк Мајерс (60) – канадски актер најпознат по неговите комични рифови – бил дарежлив со својот бакшиш.

„Го служев Мајк Мејерс во екот на неговата фаза на Остин Пауерс. Го кажав целиот говор на д-р Злобен за него. Мислеше дека е одлично. Остави многу добар бакшиш.“

Ник Картер

За Ник Картер (43) од Backstreet Boys исто така се вели дека е дарежлив со бакшишот.

Еден келнер се сеќава дека ја служел иконата од 2000-тите во „популарен синџир на морска храна“, заедно со Парис Хилтон, Никол Ричи и диџеј Е.М.

„Ник Картер плати со дебитна картичка остави 30 долари на 110 долари сметка. Сите беа супер фини и се сликаа со нас“

Тоби Магвир

Тоби Мегваер (47) е најпознат и сакан по портретот на Спајдермен. И еден келнер е исто така полн со комплименти за неговиот став.

„Редовно му служев на Тоби Мекгваер на мојата последна работа. И тој беше навистина добар и оставаше многу добар бакшиш секогаш кога доаѓаше. Тој дури и се сеќаваше на моето име (и на многу други долгорочни вработени) и секогаш љубезно не поздравуваше и се држеше настрана – немаше да направи врева ако кујната или барот малку доцнеа“

…И НАЈЛОШОТО

Лора Дерн

На многу обожаватели на 56-годишната актерка, позната по нејзините улоги во филмовите за „Jurassic Park“, а од неодамна и „Marriage Story“, ќе им биде скршено срце кога ќе дознаат дека таа не е баш одличен гостин.

„9 долари бакшиш за 371 долари сметка. Мислам и луѓето кои не се ѕвезди оставаат повеќе на таа сметка“

Пeти ЛаБел

„Пeти ЛаБеле навистина напорна и не е баш дарежлива со бакшишот“ – напиша една келнерка за легендата на R&B (79).

Двејн „Карпата“ Џонсон“

Џонсон побарал ресторанот да се отвори порано, за да ги избегне своите обожаватели.

„На крајот од оброкот остави само седум долари бакшиш. Овој тип не е „Карпа“ за мене, туку само ефтино камче“ – напиша келнерот

Бил Козби

„За сметка од 375 долари тој ни остави 3 долари бакшиш“ – напиша еден келнер

Додека пак друг напиша дека тој дошол во хотел со 6 торбици и на вработениот што ги носел торбиците до соба му дал 50 центи бакшиш. Пази како ги трошиш…

Мадона

За Мадона има многу приказни дека остава лош бакшиш низ целиот свет.

Додека Мадона сè уште била во брак со Гај Ричи , дуото оставило 18 долари бакшиш на сметка од 400 долари во ресторан во западен Лондон – бакшиш од 4,5 проценти.

Друга келнерка изјави дека откако Мадона јадела со другар во њујоршкиот хотспот Бабо, таа воопшто не оставила бакшиш.

Ашер

За Ашер се зборува дека наводно го остава својот автограм како бакшиш.

Еден келнер известува дека ѕвездата изградила репутација затоа што се обидела да ги натера другите да ја платат сметката за него, а кога тоа нема да успее, тој го остава неговиот автограм како бакшиш.

Џереми Пивен

Во 2007 година, Џереми Пивен се појавил во луксузниот суши ресторан Nobu во Аспен со толпа од 12, без резервација.

Откако бил седнат и послужен, Пивен му рекол на менаџерот додека излегувал: „Благодарам за ништо“. Неговиот бакшиш? Потпишано ДВД од серијата „Entourage“. Гневниот вработен во Нобу очигледно ја фрлил кутијата кон Пивен додека тој заминувал. И така Пивен потоа бил забранет во Нобу.